Кривошапкин Вадим Григорьевич
Вадим Григорьевич Кривошапкин - Россия наукатын үтүөлээх деятелэ, медицина доктора, Саха госуниверситетын бэрэпиэссэрэ.
Сунтаар улууһугар 1937 сыллаахха төрөөбүт. Благовещенскайдааҕы медицина институутун, 1-кы Москватааҕы мединституут клиникатын ординатуратын бүтэрбитэ.
Ньурбаҕа быраастаабыта, онтон ассистент, терапия кафедратын сэбиэдиссэйинэн Саха университетыгар үлэлээбитэ. Ол кэмҥэ Саха сирин республиканскай балыыһатыгар терапия отделениетын сэбиэдиссэйинэн эмиэ үлэлээбитэ. Дьокуускай куорат балыыһатыгар гастроэнтерологическай отделениены арыйбыта. СГУ медицинатын факультетын деканынан үлэлээбитэ. 1976-1983 сс. – Благовещенскайдааҕы медицина институутун факультетскай терапиятын кафедратын салайан үлэлэппитэ. 1983-1989 сс. – Саха университетын иккис нүөмэрдээх терапиятын кафедратын сэбиэдиссэйинэн үлэлээбитэ. 1989-1995 сс. – СӨ наукатын академиятыгар Хоту дойду прикладной экологиятын институутугар лаборатория сэбиэдиссэйинэн үлэлээбитэ. Билигин СӨ НА Доруобуйа Институутун дириэктэрэ.
Хоту сирдэр медициналарыгар уонна Хоту дойду медицинскэй экологиятыгар бөдөҥ специалист быһыытынан биллэр. Киһи хоту дойду тыйыс усулуобуйатыгар адаптацияланрын туһунан элбэх үлэлэрдээх.
Россия социальнай наукаларын Академиятын дьиҥнээх чилиэнэ, Саха Өрөспүүбүлүкэтин наукатын Академиятын дьиҥнээх чилиэнэ, Дойдулар ыккардыларынааҕы экология уонна куттала суохтук олоруу наукаларын Академиятын дьиҥнээх чилиэнэ, Норуоттар ыккардыларынааҕы Хотугу Форум Акадесиятын чилиэнэ.
120 тахса научнай ыстатыйалар уонна 4 монография ааптара.