Кошевой Олег Васильевич
| Олег Кошевой | |||
 | |||
| Сулууспалаабыт дойдута |
Советскай Социалистическай Республикалар Союзтара | ||
|---|---|---|---|
| Кыргыһыылар/сэриилэр | |||
| Наҕараадалара |
| ||
Олег Васильевич Кошевой — фашистары утары охсуһар «Эдэр гвардия» тэрийээччитэ уонна кыттыылааҕа.
Оҕо сааһа
[уларыт | биики-тиэкиһи уларытыы]Кини бэс ыйын 8 күнүгэр 1926 сыллаахха Черниговскай уобаласка, Прилуки куоракка, сулууспалаах үлэһит дьиэ кэргэнигэр төрөөбүтэ. 1940 сылтан Краснодон куоракка олорбута, онно оскуолаҕа үөрэммитэ. Олег оскуолаҕа үөрэнэр кэмигэр уус-уран самодеятельность кыттыылааҕа, оскуола хаһыатын редактора этэ. Кэпсээн уонна хоһоон суруйар этэ.
Улуу Аҕа дойду Сэриитэ
[уларыт | биики-тиэкиһи уларытыы]Сэрии кини 8 кылааска үөрэнэр эрдэҕинэ буолбута. Олег фроҥҥа көмөлөһөн киирэн барбыта.
Аҕа дойду Улуу сэриитин сылларыгар, Олег Кошевой «Эдэр гвардияны» тэрийсибитэ. Бу тэрилтэ Краснодон куораттааҕы комиссара уонна штабын чилиэнэ этэ.
1943 сыллаахха тохсунньу ыйга фашистар «Эдэр гвардия» кыттыылаахтарын тутан ылбыттара. Олег Кошевойу Картушино станцияҕа туппуттара. Эдэр патриоты, кыыллыы сордоон баран, олунньу ый 9 күнүгэр, 1943 сыллаахха, Ровенька куораттан чугас, ытан өлөрбүттэрэ. Өлөрүгэр 16 саастаах этэ. Ровенька куоракка, фашистар сиэртибэлэрин Бырааттыы уҥуохтарыгар көмүллүбүтэ.
Наҕараадалара
[уларыт | биики-тиэкиһи уларытыы]Олег Кошевойга Сэбиэскэй Сойуус Геройун аата, өлбүтүн кэннэ, Верховнай Сэбиэт Президиумун ыйааҕынан 1943 сыллаахха балаҕан ыйын 13 күнүгэр иҥэриллибитэ. Ленин орденынан наҕараадаламмыта.
Өйдөбүнньүк
[уларыт | биики-тиэкиһи уларытыы]Олег Кошевой аата шахталарга, собхуостарга, оскуолаларга, пионер лааҕырдарга, муоратааҕы флот министиэристибэтин суудунатыгар иҥэриллибитэ.