Копакабана

Бикипиэдьийэ диэн сиртэн ылыллыбыт

Копакаба́на (порт. Copacabana) — пляж уонна оннук ааттаах Рио-де-Жанейро куорат биир түөлбэтэ.

Копакобана Гуанабара хомоҕо киириигэ, куорат кииниттэн соҕуруу диэки бардахха сытар. Устата — 4 км. Кытыла — Авенида Атлантика. Уруту кытылга турбут балыксыттар дэриэбинэлэрин аатынан ааттаммыт. Оттон дэриэбинэ бэйэтин кэмигэр Боливия Копакабана куоратын аатынан ааттаммыта.

Топоним[уларыт | куодун уларытыы]

Боливия Капакабана куоратын аата хантан үөскээбитэ ку күннээххэ чопчу биллибэт. Биир сабаҕа быһыытынан, "копак" уонна "кабана" диэн тыллар Инктар эпохаларын саҕанааҕы кечуалар тылларыттан үөскээбит буолуохтарын сөп. Тылбыыһа -- "сырдык бээтинэ", "күөх пляж" диэн. Оттон иккис сабаҕа быһыытынан, Аймара индиэйэстэр "коппа" уонна "каһуана" диэн ("күөл көстөр сирэ") тылларыттан тахсыбыт[1].

Устуоруйата[уларыт | куодун уларытыы]

Пляж 1890 сыллаахха

Копакабана устуоруйата 1750-с сс. саҕаланар. Оччолорго Сакупенапана диэн сиргэ, кытылга, Боливия Копакабана куоратын сибэтиэй дьахтарын аатынан чочуобуна тутуллубут. Чочуобуна аата кэлин балыксыттар дэриэбинэлэрин аата буолбут. Кэлин 1892 сыллаахха Реал Грандес тоннель арыллан трамвай сылдьар буолбутун кэннэ, Копакабана уонна Рио-де-Жанейро икки ардыгар сылдьыһыы, сибээс олохтоммут[2].

Билигин Копакабана диэн Рио-де-Жанейро куорат биир саамай улухан кэнсиэртиир түһүлгэтэ. Копакабанаҕа хас да төгүллээн Элтон Джон, Ленни Кравитц, Мик Джаггер ыллаабыттара. Оттон 1994 сыл ахсынньытыгар Род Стюард бүтүн улахан бырааһынньыктааҕы шоута тэриллибитэ. Кини ырыатын-тойугун истээри аан дойду араас муннугуттан инньэ 4 мөлүйүөнтэн тахса киһи кэлбитэ. Ити бэлиэ түгэн бэл Гиннесс рекордарын кинигэтигэр киирбитэ. 2006 сыллаахха олунньу 18 күнүгэр Копакабанаҕа The Rolling Stones бөлөх кэнсиэрэ буолбута, икки мөлүйүөнтэн тахса киһи ыалдьыттаабыта. Кэнсиэри быһа эфиргэ көрдөрбүттэрэ, оттон сотору буолан баран «Rolling Stones — Copacabana Beach, Rio de Janeiro, Brazil» (The Biggest Bang Box Set, часть 2) диэн DVD диискэ тахсыбыта.

Олимпиада-2016[уларыт | куодун уларытыы]

2016 сыллаахха Бразилия Рио-де-Жанейро куоратыгар ыытыллар Олимпиада оонньууларыгар Копакабана пляжка эр дьон уонна дьахталлар икки ардыларыгар пляж волейболун күрэҕэ ыытыллар.

Өссө көр[уларыт | куодун уларытыы]

  • Ипанема
  • Леблон
  • Прайя-ду-Диабу
  • Форт Копакабана

Бэлиэтээһиннэр[уларыт | куодун уларытыы]

  1. Саласар, Х. Copacabana, Ayur y Cauca, tres topÛnimos indÌgenas en busca de explicaciÛn. — Университет Антьокия (Колумбия), 2005. — С. 230.
  2. Маклахлан, К. A History of Modern Brazil: The Past Against the Future. — Scholarly Resources Inc., 2003. — С. 58, 59.

Сыылкалар[уларыт | куодун уларытыы]