Киэн туттар дьоммут — учуонайдар

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Киэн туттар дьоммут — учуонайдарНьурба дьоно-сэргэтэ, ол иһигэр Маалыкай тубэтин олохтоохторо советскай кэм саҕатган билиигэ-көрүүгэ тардыһыылара олус күүстээх этэ. Оччотооҕу түҥкэтэх, ыраах сытар үрэх бастарыттан оронон тахсан, үгүс элбэх дьон үрдүк үөрэхтэнэн, саҥа олох сайдарын түргэтэтиспиттэрэ. Үөрэх, билии-көрүү олоххо наадатын дириҥник билэр, бэйэлэрин дьонноро-сэргэлэрэ үөрэхтээх, сайдыылаах дьон буолалларыгар эттэринэн-хааннарынан ыалдьан, дууһаларынан бэринэн, баҕаран, үлэлиир салайааччылар, учууталлар суолталара олус улахан этэ.

Маалыкай ситэтэ суох орто, кэлин орто оскуолатыгар үөрэммит дьонтон учуонайдар элбэхтэр. Билиҥҥи Бордоҥ нэһилиэгэр төрөөбүт, үөскээбит учуонайдары эрэ киллэрдибит. Арай Семенов Василий Алексеевич-Күүстээх Бааска Хатыыга төрөобүт. Ол гынан баран кини төрүттэрэ Маалыкайдар эбит, аны Хатыыга төрөөбүт эрэ, Маалыкайга улааппыт, үөрэммит, учууталлаабыт, бүтэһигэр бэйэтин «дойдубар Маалыкайга илдьэн көмеөрүҥ» диэн кэриэһин эппит. онон Маалыкайга көмүллүбүтэ.

Бу биһиги Бордоҥмут нэһилиэгэр төрөебүт араас идэлээх учуонайдар, республика, оройуон экономиката, дьонун-сэргэтин олоҕо тупсарыгар киллэрсибит кылааттарынан биһиги киэн туттар кыахтаахпыт. Кинилэри кытта биһиги билсиһиэҕиҥ.