Кириллин Афанасий Павлович

Кириллин Афанасий Павлович — контрразведчик, Мэҥэ-Хаҥалас улууһун уонна I Тыыллыма нэһилиэгин Ытык олохтооҕо, СӨ норуотун хаһаайыстыбатын үтүөлээх үлэһитэ

1944 с. I Тыыллыма нэһилиэгэр төрөөбүт.

1973 с. Москваҕа КГБ академиятын бүтэрбитэ.

Уус Маайа оройуонугар Ис дьыала оройуоннааҕы отделын начальнигынан, Дьокуускайга экономическай контрразведка начальнигынан үлэлээбитэ.

1994—1995 сс. СӨ Ис дьыалаҕа министрэ.

Кини ааспыт үйэ 1920—1930 сылларыгар ыытыллыбыт репрессия сиэртибэлэрин сырдык, чиэһинэй ааттарын чөлүгэр түһэриигэ ыыппыт үлэтин норуот сыаналыыр, астынар.

Афанасий Павлович Кириллин Саха сирин чекистэриттэн бастакынан «СӨ норуотун хаһаайыстыбатын үтүөлээх үлэһитэ» ааты сүгэр.

Мэҥэ-Хаҥалас улууһун уонна I Тыыллыма нэһилиэгин Ытык олохтооҕо.