Кентер, Айше Йылдыз

Айше Йылдыз Кентер(төр.1928 с.алтынньы 11 күнүгэр - 2019 с.сэтинньи 17 күнүгэр) - Турция актырыысата. Турцияттан ЮНЕСКО Үтүө Санаа посолларыттан биирдэстэрэ этэ. Йылдыз Кентер 1928 с.алтынньы 11 күнүгэр, Турцияҕа, Стамбул куоракка, дипломат Ахмет Наджи Кентер уонна кини кэргэнэ Надиде дьиэ кэргэнигэр төрөөбүтэ. Йылдыз ийэтэ дьиҥнээх аата Ольга Синтия, Великобританияттан төрүттээх эбит, кэргэн тахсан баран Турцияҕа көһөн кэлбит уонна аатын уларыппыт.Йылдыз, Анкара консерваториятын бүтэрбит. 11 сыл, Анкара Судаарыстыбаннай тыйаатырыгар оонньообут. Рокфеллер пуондатын грантын ылан, Америкаҕа тиийэн актёр ускуустубатын үөрэппит. Онтон, Турцияҕа кэлэн, Анкара консерваториятыгар преподавателинэн үлэлээбит. 1959 с. Анкара судаарыстыбаннай тыйаатырыттан уурайбыт. Биир сыл Мухсин Эртугрулу кытта үлэлээбит, онтон, быраатын Мюфшигы уонна кэргэнин Шюкран Гюнгёры кытта "Kent Theatre Company" диэн компанияны тэрийбит. Ол кэнниттэн хас да сыл, Америкаҕа уонна Англияҕа, "Методы актёрской игры" уонна "Изменение методов рбразования" диэн тиэмэлэргэ чинчийиинэн дьарыктаммыт. 1968 с. Стамбулга "Kenter Theatre" тыйаатыр тутуута бүппүт. Йылдыз Кентер, ССРСка, СШАҕа, Англияҕа, Германияҕа, Нидерландыга, Данияҕа, Канадаҕа, Югославияҕа уонна Кипрга гастроллаабыт. 100-тэн тахса пьесаҕа оонньообут уонна туруорбут. Ол пьесалар ааптардара: Шекспир, Чехов, Брехт, Ионеско, Пинтер, Олби, Фугард, Мелих Джевдет Андай, Неджати Джумалы, Адалет Агаоглу, Музаффер Изгю. 37 сыл устата актёрскай ускуустубаны устудьуоннарга үөрэппит. 1951 с. Несрин Сипахи ырыаһыт убайыгар Нихат Акчаҥҥа кэргэн тахсыбыт. Кыыһын Лейланы трөппүт. Нихаты кытта сэттэ сыл олрбуттар. 1965 с. Шукран Гюнгёрга кэргэн тахсыбыт. 2002 с. Шукрат өлүөр диэри бииргэ олорбуттар. Йылдыз Кентер, 2019 с.сэтинньи 17 күнгэр, 91 саастааҕар, Стамбул чааһынай клиникатыгар өлбүт. "Kenter Theatre" тыйаатырга быраһаайдаһыы уонна Афет Йолал мэчиэккэ итэҕэл сиэрин-туомун толоруу кэннэ, Ашиян кылабыыһаҕа көмүллүбүт. Икки кыыстаах. Наҕараадалара уонна бириэмийэлэрэ: Судаарыстыбаннай артыыс сыбаанньа; Култуура уонна ускуустуба уобалаһыгар Турция бэрэсэдьиэнин Улахан бириэмийэтэ; 1962 с. тыйаатыр ускуустубатын сайдыытыгар үтүөлэрин иһин "Женщина года" бириэмийэ; Үс төгүл, "Актриса второго плана" номинацияҕа, "Золотой апельсин" бириэмийэ лауреата; 1984 с. Италиятааҕы культура института, Аделаида Ристори бириэмийэтинэн наҕараадалаабыт; 1989 с. Корсика киинэбэстибээлигэр Халит Рефиг дырааматыгар оонньообут оруолун иһин, "Лучшая актриса" бириэмийэ; 1991 с. Lions Clubs international Мелвин Джонс бириэмийэтинэн наҕараадалаабыт. https://ru.m.wikipedia.org/wiki/%D0%9A%D0%B5%D0%BD%D1%82%D0%B5%D1%80,_%D0%99%D1%8B%D0%BB%D0%B4%D1%8B%D0%B7 https://slovar.cc/enc/bse/2003829.html