Караель Ойкю

Бикипиэдьийэ диэн сиртэн ылыллыбыт
Перейти к навигации Перейти к поиску

Ойкю́ Карае́ль (туур. Öykü Karayel; 1990 сыллаахха атырдьах ыйын 20 күнүгэр күн сирин көрбүт, Турция өрөспүүбүлүкэтэ, Стамбул куорат) — турок норуотун биир саамай биллиилээх, элбэх хамнастаах артыыүа уонна модела.

Биографията уонна карьерата[уларыт | биики-тиэкиһи уларытыы]

Ойкю Карайель 1990 сыллаахха Турция өрөспүүбүлүкэтин биир саамай кырдьаҕас, дириҥ устуоруйалаах улахан куоратыгар -- Стамбул куоракка күн сирин көрбүт, күөх окко түспүтэ. Ойкю Карайель «Çemberlitaş» диэн ааттаах, кыргыттарга аналлаах орто оскуоланы ситиһиилээхтик үөрэнэн бүтэрбитэ. Ол кэнниттэн Кентера тыйаатырын үөрэнэн бүтэрбитэ уонна 2007 сыллаахха Ойкю Стамбуллааөы Судаарыстыбаннай университет иһинэн үлэлиир тыйаатыр консерваториятыгар туттарсан үөрэххэ киирбитэ. Университекка үөрэнэр сылларыгар тыйаатыр кириитиктэрин эдэр талааннарга аналлаах бириэмийэтин ылбыта. Ити кэннэ «Кузей Гюней» диэн киинэ сэрийээлигэр Джемре оруолугар оонньоон, биллэр көстөр буолан киирэн барбыта. 2016 сыллаахха Ойкю Карайель «Великолепный век: Кёсем Султан» диэн ааттаах, эмиэ элбэ сиэрийэлээх киинэҕэ Дильрубу султаан улахан эрдэҕинээҕитин оонньообута.

Ойкю бииргэ төрөөбүт игирэ аҥаара Эзги диэн балтылаах.

Тус олоҕо[уларыт | биики-тиэкиһи уларытыы]

Ойкю аан бастаан «Карадай» диэн ааттаах элбэх сиэрийэлээх киинэ артыыһа Улаш Тюна Астептиин уонна Эдип Тепелини кытта доҕордоһо сылдьыбыта. Ол кэннэ сотору буолан баран 2016 сыллаахха «Великолепный век: Кёсем Султан» сэрийээлгэ бииргэ оонньообут кэллиэгэтэ Танер Олмеһы кытта сылдьыбыта. Танер ол иннинэ өссө "Прилив" диэн биллиилээх киинэ сэрийээлигэр Мерта диэн оруолу оонньообута. Ол гынан баран кинилэр доҕордуу сыһыаннара арахсыбыта.

Күн бүгүн Ойкю Карайель Джан Бономо диэн Турцияҕа биллэр ырыаһыкка ойох тахсан олорор.

Сигэлэр[уларыт | биики-тиэкиһи уларытыы]

https://ru.wikipedia.org/wiki/%D0%9A%D0%B0%D1%80%D0%B0%D0%B5%D0%BB%D1%8C,_%D0%9E%D0%B9%D0%BA%D1%8E

https://muhtesemyuzyil.fandom.com/ru/wiki/%D0%9E%D0%B9%D0%BA%D1%8E_%D0%9A%D0%B0%D1%80%D0%B0%D0%B5%D0%BB%D1%8C