И. М. Сеченов аатынан Бастакы Москватааҕы судаарыстыбаннай мэдиссиинэ университета

И. М. Сеченов аатынан Москватааҕы Бастакы судаарыстыбаннай мэдиссиинэ университета

Москватааҕы Бастакы судаарыстыбаннай мэдиссиинэ университета - Арассыыйа Москва куоратыгар баар кырдьаҕас, улахан уонна бастыҥ үрдүк үөрэх тэрилтэтэ.

Устуоруйата

1755 с. ИМУга мэдиссиинэ факультета тэриллибит. 1758 с.үөрэх саҕаламмыт. 1918 с. I МГУга мэдиссиинэ факультета буолбут. 1930 с. Москватааҕы Бастакы мэдиссиинэ института буолбут. 1940 с. Ленин уордьанынан наҕараадаламмыт. 1955 с. ССРС МС дьаһалынан 1-кы МОЛМИга нуучча биллиилээх физиолога И. М. Сеченов аата иҥэриллибит. Институт, 1965 с. Үлэ Кыһыл Знамятын уордьанынан наҕараадаламмыт. 1990 с.1 МОЛМИ И. М. Сеченов аатынан Москватааҕы мэдиссиинэ акадьыамыйата буолбут, 2010 с. Москватааҕы Бастакы судаарыстыбаннай мэдиссиинэ университета статуһу биэрбиттэр.(Бастакы МГМУ) 2017 с. "Сеченов университета" диэн официальнай аат бэриллибит. Университетка Арассыыйаттан уонна тас дойдулартан 17000 тахса устудьуон сирэй, киэһээҥҥи уонна кэтэх салааларга дьарыктанар. Университет ректора П. В. Глыбочко.

Структурата

Билиҥҥи кэмҥэ университекка 14 институт , биомэдиссиинэ научнай-технологическай парката, ону кытта Бакутааҕы филиал бааллар.

Институттар

1. Н. В. Склифосовскай аатынан клиническай мэдиссиинэ института 2. Ф. Ф. Эрисман аатынан уопсастыба доруобуйатын института(медико-профилактическай) 3. А. П. Нелюбин аатынан фармация института 4. Е. В. Боровской аатынан стоматологическай институт 5. Н. Ф. Филатов аатынан оҕо доруобуйатын клиническай института 6. Е. И. Марциновскай аатынан паразитология, тропическай уонна трансмиссивнай ыарыылар институттара 7. Урология уонна киһи төрүүр-ууһуур доруобуйатын института 8. Кластернай онкология института 9. Доруобуйа харысталын салайыы уонна дидерство института 10. Цифровой медицина института 11. Электроннай мэдиссиинэ үөрэҕин института 12. Социальнай наукалар институттара 13. Лингвистика уонна култууралар ыккардыларыгар алтыһыы института 14. Проф.үөрэхтээһин института

Филиал

Университет 2015 с.балаҕан ыйын 15 күнүгэр Азербайджан Баку куоратыгар арыллыбыт 1 филиаллаах. Үөрэтии Сеченов университетын программатынан уонна нууччалыы тылынан барар. Бакинскай филиал ректора м.н.д. Азиз Алиев.

Рейтиннэрэ

2015 с. "Эксперт РА" агенство, "Коммерсантъ. Деньги" сурунаалга Арассыыйа үрдүк үөрэҕин тэрилтэлэрин рейтинин таһаарбыт. Онно, Бастакы МСМУга выпусниктар үөрэхтэрин "үрдүк таһым" диэн бэлиэтиир рейтин "В" кылааһын иҥэрбит уонна 1 миэстэни биэрбит. Ити рейтиҥҥэ Бастакы МСМУ Арассыыйа уонна СНГ мэдиссиинэ үрдүк үөрэҕин тэрилтэлэригэр бастыҥ көрдөрүүнү ситиспит. 2018 с. Times Higher Education(THE) Сеченов университетын аан бастаан аан дойду бастыҥ университеттарын испииһэгэр киллэрбит. Кини, "Наука о медицине и здоровье", "Наука о жизни" диэн хайысхаларынан киирбит уонна 601-с миэстэни ылбыт. THE World University Ranking by subject британскай сурунаал THE сыл аайы таһаарар рейтинигэр, 2020 с. "Науки о жизни", "Науки о медицине и здоровье" хайысхаларга былырыыҥҥы миэстэтин илдьэ хаалбыт уонна "Инженерные науки и технологии" диэн хайысхаҕа аан бастаан рейтиҥҥэ киирбит. Аптарытыаттаах Норуоттар ыккардыларынааҕы рейтин RUR үрдүк үөрэх тэрилтэлэрин тургутуу түмүгүн таһаарбыт - World University Rankings-2020. Манна Сеченов университета 80 пуунунан үөһэ тахсан аан дойдуга 545-с, Арассыыйаҕа 16-с миэстэ буолбут. Арассыыйа үрдүк үөрэҕин тэрилтэлэригэр 40-с, үөрэх хаачыстыбатынан 14-с, интернационализация таһымынан 11-миэстэлэрдээх.

Ссылкалара

https://www.sechenov.ru/ http://do.sechenov.ru/ https://vuzopedia.ru/vuz/881 https://www.sechenov.ru/education/ https://www.sechenov.ru/search/?tags=%20%D0%A0%D0%B5%D0%B9%D1%82%D0%B8%D0%BD%D0%B3%D0%B8