Ишмуратова, Светлана Ирековна

Светлана Ирековна Ишмуратова(төр. 1972 с.муус устар 20 күнүгэр, ССРС, Челябинскай уобалас Златоуст куорат) - арассыыйа биатлонистката, икки төгүллээх олимпийскай чемпионка(2006 с.), Арассыыйа успуордун үтүөлээх маастара. 2016 с.олунньу 5 күнүттэн ЦСКА начальнигын солбуйааччыта(личнай састаабы кытта үлэҕэ). Арассыыйа Сэбилэниилээх Күүстэрин полковнига. Арассыыйа биатлонистарын Сойууһун Бырабылыанньатын чилиэнэ. 1972 с. муус устар 20 күнүгэр, бурят-татар дьиэ кэргэнигэр төрөөбүт. Аҕата - хайыһарга успуорт маастара Ирек Мусалимович хайыһардыырга үөрэппит, эрчийбит. Төрдүс кылааска үөрэнэ сылдьан, бастакы кыайыыны, наставнигын Р. С. Ахметгараев салалтатынан ситиспитэ. 1991 с.ССРС чемпионатыгар, юниордар сүүрүүлэригэр бастакы миэстэни ылбыт. 90-нус сылларга, Ишмуратова дойду бастыҥ хайыһардьыттарыттан биирдэстэрэ буолбут. Ону кытта, Златоуст куоракка атыы-эргиэн техникумун бүтэрбит. 1999 с.физкультура уонна успуорт Ураллааҕы госакадемиятын бүтэрбит. 1996 с., тренера Фатьянов В.Н. көмөтүнэн биатлон сүүмэрдэммит хамаандатыгар киирбит. 1997 с.Арассыыйа чемпионатыгар сприҥҥэ кыайбыт. Наганоҕа буолар кыһыҥҥы Олимпиада сүүмэрдэммит хамаандатыгар киирбит. 1998 с. Германияҕа Хохфильцеҥҥа , Аан дойду чемпионатыгар бастакы кыһыл көмүс мэтээлин ылбыт. 1999 с. сайыҥҥы Аан дойду чемпионатыгар, спринт-кросска уонна эстафетаҕа кыһыл көсүс мэтээллэри ылары ситиспит. Ону кытта, эккирэтэн сүүрүгэ үрүҥ көмүс мэтээллэммит. 2000 с. Аан дойду кыра кубогар, спринт сүүрүүгэ үрүҥ көмүс мэтээли ылбыт. 2001 с. Аан дойду чемпионката буолбут. Солт-Лейк-Ситига буолбут кыһыҥҥы Олимпиадаҕа, эстафетаҕа, хамаанданан үһүс миэстэ буолан боруонса мэтээлгэ тиксибит. 2003 с. Аан дойду чемпионатыгар, эстафетаҕа кыһыл көмүс, атын сүүрүүлэргэ үрүҥ көмүс уонна боруонса мэтээллэрдэммит. Ити сыл, Европа чемпионатыгар, өссө биир, боруонса мэтээл баар буолбут. 2004 с. Аан дойду чемпионатыгар, эстафетаҕа иккис миэстэ буолбуттар. 2005 с. Европа чемпионатыгар индивидуальнай уонна эстафетнай сүүрүүлэргэ кыһыл көмүс, сприҥҥэ үрүҥ көмүс мэтээллэри ылары ситиспит. Аан дойду кыра кубогар индивидуальнай сүүрүүгэ, испииһэккэ үһүс миэстэлээх этэ. 2005 с. Светлана тренерынан Виталий Николаевич Фатьянов буолар. Кинини кытта, спортсменка, 2006 с. Турин Олимпиадатыгар кыһыл көмүс мэтээли ылан, Олимпиада чемпионката буолары ситиспит. Светлана Ишмуратова кэргэннээх, уол оҕолоох. Арассыыйа уонна Челябинскай уобалас общественнай уонна спортивнай олохторугар актыыбынай кыттыыны ылар. 2007 с.успуорка ситиһиилэрин иһин Орден Почета наҕараадалаах. Эмиэ ити сылга, Златоуст куорат Законодательнай мунньаҕын чилиэнэ буолбут. 2007 сыл ахсынньы ыйыгар РФ Судаарыстыбаннай Думатыгар, "Единая Россия" партияттан дьокутаат буолбут. Наҕараадалара: Олимпийскай оонньуулар. Турин-2006 - икки кыһыл көмүс мэтээл(индивид.сүүрүү, эстафета) Солт-Лейк-Сити-2002 - боруонса мэтээл(эстафета) Аан дойду чемпионаттара. Хохфильцен-2005 - кыһыл көмүс (эстафета) Ханты Мансийскай-2005 - кыһыл көмүс(смеш.эстафета) Оберхоф-2004 - үрүҥ көмүс (эстафета). Ханты-Мансийскай-2003 кыһыл көмүс(эстафета), үрүҥ көмүс(масс.старт), боруонса(эккирэтэн сүүрүү) Поклюка-2001 - кыһыл көмүс(эстафета) Хохфильцен-1998 - кыһыл көмүс(хамаанданан сүүрүү) Европа чемпионаттара. Новосибирск-2005 - икки кыһыл көмүс(индивидуальнай сүүрүү, эстафета) Форни-Аволтри-2003 - үрүҥ көмүс(спринт) Орден Почета - физ.культура сайдыытыгар улахан кылаатын уонна успуорка ситиһиилэрин иһин(22 .02.2007.) "За заслуги перед Отечеством" уордьан ll истиэпэнэ - успуорт уонна физическай культура сайдыыларыгар кылаатын, Солт-Лейк-Сити-2002 Олимпиадатыгар ситиһиитин иһин. https://ru.m.wikipedia.org/wiki/%D0%98%D1%88%D0%BC%D1%83%D1%80%D0%B0%D1%82%D0%BE%D0%B2%D0%B0,_%D0%A1%D0%B2%D0%B5%D1%82%D0%BB%D0%B0%D0%BD%D0%B0_%D0%98%D1%80%D0%B5%D0%BA%D0%BE%D0%B2%D0%BD%D0%B0 https://ruspekh.ru/people/ishmuratova-svetlana-irekovna