Ил Дархан судаарыстыбаннай наҕараадаҕа хамыыһыйата
Ил Дархан судаарыстыбаннай наҕараадаҕа хамыыһыйата - Саха Өрөспүүбүлүкэтигэр судаарыстыба (өрөспүүбүлүкэ) наҕараадаларын иҥэриигэ бэлэмниир үлэни ыытар хамыыһыйа, балаһыанньатын уонна састаабыгар ким киирэрин Ил Дархан быһаарар.
Хамыыһыйа үлэтэ Саха Өрөспүүбүлүкэтин судаарыстыбаннай наҕараадаларын туһунан сокуон 13-с ыстатыйатыгар ыйыллар.
Хамыыһыйаҕа муниципалитеттан наҕараадаҕа түһэрии киирдэҕинэ икки ый иһигэр үөрэтэн наҕараадаланар киһиэхэ наҕараада сөп түбэһэрин туһунан уопсастыбаннай сыанабыл биэрэр, наҕараадалыыр туһунан эбэтэр наҕараадалыыртан батынар туһунан докумуоннары бэлэмниир, ол кэнниттэн үс хонук иһигэр Ил Дархаҥҥа киллэрэр. Хамыыһыйа судаарыстыбаннай наҕараада көрүҥүн уларытар эбэтэр төрүөтүн ыйан туран биэрэртэн батынар кыахтаах. Тиһэх быһаарыыны Ил Дархан ылынар. Ыйаах илии баттаммытын кэннэ 14 хонук иһигэр бэчээккэ таһаарыллар[1].
Маны таһынан хамыыһыйа наҕарааданы сөргүтүү, наҕарааданы былдьааһын, уордьаннар, мэтээллэр, бэлиэлэр дубликааттарын биэрии боппуруостарын көрөр.
Быһаарыылар
[уларыт | биики-тиэкиһи уларытыы]- ↑ Саха Өрөспүүбүлүкэтин судаарыстыбаннай наҕараадаларын туһунан сокуон, 15.06.2004, № 275-III