Идельгин Степан Иванович

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Идельгин Степан Иванович (1823—1892) — Ыадалгын кинээс — Өлүөхүмэ II гильдиялаах атыыһыта, бочуоттаах инородец.

1856 — инороднай Управа быыбарынайа. 12 сыл I Нөөрүктээйи нэһилиэгин старостата. 4 сыл устата улуус кулубатын дуоһунаһыгар хандьыдаат, 6 сыл устата улуус кулубатынан талыллыбыта.

1840-50 сылларга Өлүөхүмэ, Битиим бириискэлэрин олохтоох аһынан-таҥаһынан хааччыйбыта. Эргиэнэ ордук Кыыллаах арыы дьаарбаҥкаларыгар сайдыбыта. Тыаны солоон буолалары, сонуоктары оҥорор, бурдук ыһан өлгөм үүнүүнү ылара, күөллэри хорон, балыктаан Өлүөхүмэ куоратыгар эргинэрэ. Күөллэр оннуларын оттоон ылалларыгар сунтаардарга түүлүүрэ. Күһүн аайы Бодойбоҕо сүөһү хомуйан үүрдэрэн илдьэрэ, төннөллөрүгэр араас табаары тиэйэн аҕалан лааппыларыгар атыылыыра. Түүлээҕи хомуйан барыыстаахтык эргинэрэ. Соҕотох 1869—1870 сс. Ыадалгын көмүс бириискэлэригэр 24 тыһ. буут таһаҕаһы тиэрдибитэ сурукка киирбит.

Ыадалгын соҕотох уола өлөн, нэһилиэнньигэ суох хаалбыта. Онон аккыырай Дионисий сүбэтинэн баайын-дуолун үтүө сабыдыаллаах дьыалаларга сиэртибэлииргэ быһаарыммыта.

1873 сыллааҕы сут дьылга Өлүөхүмэ уокуругун дьаамын бааһынайдарыгар 1050 солкуобайдаах бурдук биэрбитэ, куорат балыыһатыгар 1000 солкуобайы, приход училищетыгар 605 солкуобайы биэрбитэ. II Нөөрүктээйигэ туттарбыт балыыһата билигин да турар дииллэр.


Наҕараадалара[уларыт | биики-тиэкиһи уларытыы]

  • 1867 — Үрүҥ көмүс куортук
  • 1871 — Станислав Лиэнтэлээх Үрүҥ көмүс мэтээлэ
  • 1872 — иккис Үрүҥ көмүс мэтээл
  • 1871 — Анна Лиэнтэлээх Үрүҥ көмүс мэтээлэ
  • 1877 — Ураты бэлиэтэ (Знак отличия)
  • 1877 — Император Дворун кыһыл көмүс чаһыта
  • 1879 — Анна Лиэнтэлээх Кыһыл көмүс мэтээлэ
  • 1880 — Кыһыл Кириэс ураты бэлиэтэ
  • 1871 — Владимир Лиэнтэлээх Үрүҥ көмүс мэтээлэ
  • 1884 — Сибэтиэй Анна Лиэнтэлээх 3-с истиэпэннээх уордьана
  • 1884 — Александр Лиэнтэлээх Кыһыл көмүс мэтээлэ
  • 1889 — Сибэтиэй Станислав 2-с истиэпэннээх уордьана[1]

Быһаарыылар[уларыт | биики-тиэкиһи уларытыы]

  1. Меценат уонна попечитель этэ, Х.Луковцев, Чолбон сурунаал. 2007, 6