Иваново судаарыстыбаннай мэдиссиинэ академията

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Ивановскайдааҕы судаарыстыбаннай мэдиссиинэ академията

Арассыыйа Бэдэрээссийэтин доруобуйа харыстабылын министиэристибэтин "Ивановскайдааҕы судаарыстыбаннай мэдиссиинэ академията" бэдэрээлинэй судаарыстыбаннай бүддьүөттэн үбүлэнэр үрдүк үөрэх тэрилтэтэ - Ивановскай уобалас Иванов куоратыгар баар үрдүк үөрэх тэрилтэтэ.

Устуоруйата[уларыт | биики-тиэкиһи уларытыы]

РСФСР НКС 1930 с.бэс ыйын 16 күнүгэр ылыммыт "О реорганизации системы подготовки врачебных кадров" уурааҕынан Ивановатааҕы мэдиссиинэ института төрүттэммит. 1930 с.алтынньы бастакы күнүгэр институтка үөрэх саҕаламмыт.

1934 с.сааһыгар институт дьиэтин тутуу саҕаламмыт.

Бастакы түөрт сылга институт 100 устудьуону үөрэххэ ылар икки салаалаах(терапевтическай уонна хирургическай) биир факультеттаах эбит. Үөрэнии болдьоҕо 4 сыл. Ол кэннэ 1 сыл врачебнай практика онтон, экзамен туттаран баран бырааһынан үлэлииргэ көҥүл биэрэр дастабырыанньа ылаллар эбит.

1934 с.тохсунньу 3 күнүгэр БСКСК оҕо быраастарын бэлэмниир туһунан уураах ылыммыт. Онон, куораттарга ол иһигэр Иванова институтугар эмиэ педиатрическай факультет арыллыбыт. 1936 с.бастакы быраастар үөрэнэн бүппүтэр, бэс ыйын 23-24 күннэригэр куорат мэдиссиинэ института тэриллибитэ 5 сылын уонна бастакы выпуск тахсыбытын бэлиэтээбит. Доруобуйа харыстабылыгар 80 саҥа, үчүгэй бэлэмнээх быраастар баар буолбуттар. 1937 с.бастакы педиатр-быраастар, 97 киһи тахсыбыт. Институт сэрии кэмигэр үлэтин тохтоппотох, ол курдук 1941 сыл атырдьах ыйыттан 1945 сыл атырдьах ыйыгар диэри 11 выпуһу - 2000 бырааһы, 5000 мэдиссиинэ сиэстэрэлэрин уонна санитарнай дружинницалары таһаарбыт.

2981 с.институтка үөрэҕирии наркомун А.С. Бубнов аата иҥэриллибит. 1984 с. кэлин эбии үөрэх уонна үрдүк үөрэх кэннэ профессиональнай бэлэмнэнии факультета, онтон, диплом кэннэ үөрэнии института буолбут быраастар квалификацияларын үрдэтэр факультет арыллыбыт. 1993 с.институтка өссө 3 саҥа - сиэстэрэ үөрэҕин, үөрэххэ киириэх иннинээҕи бэлэмнэнии уонна тас дойдуттан кэлэн үөрэнэр устудьуоннары кытта үлэ факультеттара арыллыбыттар. 1994 с. Судаарыстыбаннай мэдиссиинэ академиятын статуһа бэриллибит. 1997 с.академия бэйэтин клиниката төрүттэммит. 2007 с.академияҕа стоматологическай факультет арыллыбыт.

Факультеттара[уларыт | биики-тиэкиһи уларытыы]

1. Лечебнай факультет 2. Педиатрическай факультет 3. Стоматологическай факультет 4. Эбии профессиональнай үөрэхтээһин факультета 5. Үрдүк квалификациялаах миэдиктэри бэлэмниир факультет. 6. Үөрэххэ киириэх иннинээҕи бэлэмнэнии факультета 7. Тас дойдуттан кэлэн үөрэнэр устудьуоннары кытта үлэ факультета.

Ссылкалар[уларыт | биики-тиэкиһи уларытыы]

https://ru.m.wikipedia.org/wiki/%D0%9F%D0%BE%D1%80%D1%82%D0%B0%D0%BB:%D0%98%D0%B2%D0%B0%D0%BD%D0%BE%D0%B2%D0%BE https://www.isma.ivanovo.ru/

Категориялар:Үрдүк үөрэх тэрилтэлэрэ алпабыытынан