Иванова Полина Николаевна

Иванова Полина Николаевна — саха дьахталларыттан бастакы композитор, СӨ ускуустубатын үтүөлээх диэйэтэлэ.

Олоҕун олуктара

1951 сыллаахха от ыйын 1 күнүгэр Ньурба оройуонун Ньурба бөһүөлэгэр төрөөбүт. 1959-67 сыллардаахха Өрөспүүбүлүкэ музыкатын оскуола-интэринээтигэр фортепиано кылааһыгар үөрэммитэ. Уһуйааччыта СӨ култууратын үтүөлээх үлэһитэ А.А. Попова. Ол кэнниттэн 1967-71 сс. Саха музыкальнай училищетыгар композитор Герман Комраковка уонна музыковедтар А.Ю. Лукинаҕа, Г.Г. Алексееваҕа үөрэммитэ.

Уфатааҕы Государственнай искусство Институтун бүтэрбит.
Саха композитордарын Түмсүүтүн чилиэнэ.
Саха Өрөспүүбүлүкэтин музыка Үрдүкү оскуолатын преподавателэ.

2025 сыллаахха олунньу 25 күнүгэр уһун ыарахан ыарыыттан Дьокуускайга 73 сааһыгар өлбүтэ.

Айар үлэтэ

Оҕолорго аналлаах элбэх айымньылардаах, опера, камерно-инструментальнай уонна камерно-вокальнай жанрдарга үлэлиирэ.

Устудьуоннуу сылдьан "Предание" симф. поэманы (1985), фортепианоҕа сонатаны (1984), песни "Нежность" уонна "Осенний вечер" ырыалары айбыта.

Сүрүн айымньылара:

• "Зеленое волшебство" опера (1986);
• "Ледовое море" Поэма-кантата (1983);
• Фортепианоҕа 12 дьоҕус пьеса (1987);
• Скрипкаҕа уонна фортепианоҕа 6 пьеса (1989);
• Соло скрипкҕа "Саная" фантазия (1992);
• Флейтаҕа "Раздумье" импровизация (1993);
• Инструментальнай ырыалар, пьесалар, романстар.

Наҕараадалара уонна ытык ааттара

• Саха Өрөспүүбүлүкэтин култууратын туйгуна
• Саха Өрөспүүбүлүкэтин искусствотын үтүөлээх диэйэтэлэ
• «Үлэ бэтэрээнэ» мэтээл
• Ньурба куоратын Ытык олохтооҕо

Өссө маны көр

• Ньурба куоратын Ытык олохтоохторо

Сигэлэр

• Высшая школа музыки Республики Саха (Якутия)
• Союз композиторов Республики Саха (Якутия) Архыыптаммыт 2015, Атырдьах ыйын 20 күнүгэр.