Жирохов Илья Васильевич
Жирохов Илья Васильевич — байыаннай лүөччүк, ЯНВШ выпускнига, Забайкальскай байыаннай уокурук туспа авиаэскадрильятын ыстаабын начаалынньыга, Иккис аан дойду сэриитин кыттыылааҕа.
Өлүөхүмэ улууһун Бастакы Нөөрүктээйи нэһилиэгэр 1911 сыллаахха төрөөбүт. Дьокуускайга национальнай байыаннай оскуоланы бүтэрбит. 1935 сыллаахха Омскайдааҕы пехота училищетын үс сыл үөрэнэн бүтэрбит, онтон Оренбуурдааҕы летнай училищеҕа үөрэнэ киирбит.
1938 сыллаахха 113-с бомбалыыр эскадрильяҕа кэтиир лүөччүгүнэн (летчик-наблюдатель), авиазвено штурманынан сулууспалаабыт. Манчжурияҕа дьалхаан буолбутугар онно сылдьыбыт, хас да бойобуой көтүүлэри оҥорбут. Онтон ыараханнык бааһыран биир сыл госпитальга эмтэммит (ол иһигэр алта ый ороҥҥо сыппыт).
1940 сыл от ыйыгар Забайкальскай байыаннай уокурук туспа авиаэскадрильятын ыстаабын начаалынньыгынан анаммыт.
1943 сыллаахха атырдьах ыйыгар Красноярскайдааҕы салгын сэриилэрин штурманнарын бэлэмниир үрдүкү эппиһиэрдэр оскуолаларыгар ыытыллыбыт. 1944 сыл күһүнүгэр бүтэрбит, Бастакы Белоруссия фронун авиацияҕа аармыйатын састаабыгар киирэр 5-с польскай бомбалыыр пуолкаҕа анаммыт. Онно байыаннай күүстэр үөрэтэр кыһаларыгар инструктор-штурманынан сулууспалаабыт[1].
Сулууспатын түмүктээн баран арҕаа олохсуйбут.
Наҕараадалара:[уларыт | биики-тиэкиһи уларытыы]
- Ленин уордьана
- Кыһыл Знамя уордьана
- Кыһыл Сулус уордьана
- "Бойобуой өҥөлөрүн иһин" мэтээл
- "Германияны кыайыы иһин" мэтээл
Быһаарыылар[уларыт | биики-тиэкиһи уларытыы]
- ↑ Филиппов А.Н. - Бири 1 Нөөрүктээйилэр Ийэ дойду иһин. — Дьокуускай: Сфера, 2020. — С. 20-21. — 124 с. — 100 экз. — ISBN 978-5-91794-152-3