Евсеев Василий Евсеевич

Бикипиэдьийэ диэн сиртэн ылыллыбыт
Перейти к навигации Перейти к поиску

Евсеев Василий Евсеевич (1901-1978) - Аҕа дойду Улуу сэриитин кыттыылааҕа. Үөһээ Бүлүү улууһун Хоро нэһилиэгин олохтооҕо.

Төрөөбүт сирэ[уларыт | биики-тиэкиһи уларытыы]

1901 с. - Сунтаар улууһун Күндээдэтигэр төрүүр. Эрдэ тулаайах хаалан Уөһээ Бүлүү Мэйигэр иитийэххэ кэлэр.

Дьиэ кэргэнэ[уларыт | биики-тиэкиһи уларытыы]

Үстэ кэргэннэммит. Бастакы икки кэргэнигэр оҕото суох. Үһүс кэргэнэ Кутанова Пелагея Семеновна, киниттэн сэттэ оҕолоох: Бастакы оҕо - Кэриэй. Иккис оҕо - Илья. Үһүс оҕо - Захар. Төрдүс оҕо - Розалия. Бэһис оҕо - Өрүүнэ. Алтыс оҕо - Мария. Сэттис оҕо - Юрий.

Сэрии саҕанааҕы уонна сэрии кэннинээҕи олоҕо[уларыт | биики-тиэкиһи уларытыы]

1943 с. - Сэриигэ 42 саастааҕар ыҥырыллар. Латвияҕа тиийэ сэриилэһэр. Строительной ботальиоҥҥа сылдьар.

1946 с. - Сэрииттэн эргиллэн кэлэр. Кыайыы кэнниттэн аҕыс ый урусхалламмыт куораттары чөлүгэр түһэриигэ тутуу этэрээтигэр үлэлиир.

Сэрииттэн кэлэн баран бастаан колхоз, кэлин совхоз тутаах улэһитинэн, мастерскойга столярынан, ыалга уонна тэрилтэлэргэ ыҥырыкка сылдьан оһох, араама, аан оҥорон үлэлиир.

Хоро нэһилиэгэр улахан оскуола тутуутугар биригэдьиир буолар.

1978 сыллаахха ыалдьан өлөр.