Дьулурҕан, хаһыат

«ДЬУЛУРҔАН» - спорт хаһыата.

Устуоруйата

1999 с. оччотооҕу «Республика бүттүүнэ — Вся республика» хаһыат (кыл. редактор Г. А. Бочкарева) спорка сыһыаннаах «Дьулурҕан» диэн балаһата аан бастаан бэчээттэммитэ.

2000 с. редакция салалтатын көҕүлээһининэн хаһыат спорка, чөл олоххо уонна туризмҥа анаан түөрт балаһанан анал сыһыарыы таһаарар буолбута. 2002 с. «Республика бүттүүнэ — Вся республика» хаһыат тохтотуллан, «Саха сирэ» хаһыакка (кыл. редактор Н. И. Харлампьева) сыһыарыы быһыытынан киирбитэ. Хаһыат уратыта диэн, тастан кэлбит сурукка, авторга болҕомто ууруу, төһө кыалларынан, кинилэр үлэлэрин киэҥ эйгэҕэ таһаарыы буолар. Редакция элбэх куонкуруһу, викторинаны тэрийэр. Футболу, хоккейы, көҥүл тустууну, дуобаты таптааччыларга араас сыаналаах бирииһи туттаран, хаһыат тэрийэр дьоҕурдааҕын, ааҕааччылары кытта араас ньыманан сибээстэһэрин көрдөрдө.

Хаһыаты хара тахсыаҕыттан Россия суруналыыстарын сойууһун чилиэнэ Петр Павлов редактор быһыытынан үлэлэтэн кэллэ. Араас кэмҥэ корреспонденынан Геннадий Бечеряков (1999—2004 сс), Сергей Муксунов (2005—2007 сс.) үлэлии сылдьыбыттара.

Ылыллыбыт сирэ

• Саха халандаара, 2009. Диодорова-Лаврентьева С. В. — Дьокуускай: «Бичик», 2008