Донской Дмитрий Емельянович
| Дмитрий Емельянович Донской | ||
| Төрөөбүт күнэ: | ||
|---|---|---|
| Төрөөбүт сирэ: | ||
| Өлбүт күнэ: | ||
| Дойдута: | ||
| Наҕараадалара: |
| |
Донской Дмитрий Емельянович (1925—1989) — философия билимнэрин доктора. Аҕа дойду Улуу сэриитин кыттыылааҕа.
1925 сыллаахха муус устар 4 күнүгэр Ньурба улууһун Иккис Малдьаҕар нэһилиэгэр төрөөбүт[1].
1942 сыллаахха Дьокуускайдааҕы педрабфак 17 саастаах устудьуона Сталинград анныгар сэриилэспит. Соҕурулуу-арҕаа фронт 5-с танковай аармыйатын 1168-с стрелковай полкатын састаабыгар Серафимовичи куорат аттыгар өстөөх оборуонатын көҥү көтүүгэ кыттыбыт. Артиллерийскай батареяҕа иитээччи эбит. Онтон Калач-на-Дону куорат иһин кыргыыга кыттыбыт. Чернышевскай хутор иһин кыргыһыыга ыараханнык бааһырбыт. Госпиталга сытан баран III-с Украина фронун састаабыгар Украинаны босхолоспут, Румыния кирбиитигэр диэри тиийбит. Онтон танковай училищеҕа үөрэххэ ыытыллыбыт. Самоходнай орудие хамандыыра буолбут уонна 31-с гвардейскай механизированнай дивизияҕа сулууспалаабыт.
Донской Феодосий Семенович 1944 сыллаахха суруйбут суругар сэриилэһэ сылдьар аймаҕын быһыытынан ахтыллар. Онно суруллубутунан зенитнай артиллерия связиһынан сулууспалаабыт эбит. Сталинградтааҕы кыргыһыы кыттыылааҕа. Бааһыран түөрт аҥаар ый госпитальга сытан баран сэриигэ төннүбүт.[2]
Кыайыы 40 сылыгар Аҕа дойду сэриитин II ст. уордьанынан наҕараадаламмыт (23.12.1985)[1].
1954 сыллаахха Дьокуускайга пединститутка нуучча тылын уонна литературатын салаатыгар киирбит (институт 1956 сыллаахха университет буолбута). 1958 сыллаахха бүтэрэн баран преподавателлии хаалбыт. 1968 философия билимин хандьыдаата буолбут. 1983 сыллаахха философия билимин дуоктара буолбут.
1984 сылтан СГУ марксистыы-лениннии философия уонна прикладной социология хаапыдыратын салайбыта[3].
Наҕараадалара:
[уларыт | биики-тиэкиһи уларытыы]- Саха АССР билимин үтүөлээх диэйэтэлэ,
- Аҕа дойду сэриитин II истиэпэннээх уордьана,
- «За отвагу», «За победу над Германией в ВОВ 1941-1945 гг.», «За трудовую доблесть» мэтээллэр, үбүлүөй мэтээллэрэ
- Саха АССР Үрдүкү Сэбиэтин бөрөсүүдьүмүн Бочуоттаах грамотата.
1989 сыллаахха алтынньы 7 күнүгэр өлбүтэ.
Быһаарыылар
[уларыт | биики-тиэкиһи уларытыы]- ↑ 1,0 1,1 Карточка награжденного в электронном банке документов «Подвиг Народа»
- ↑ М. Г. Старостин. Өлбөөдүйбэт үйэ аҥаара. — Дь.: Бичик, 1995.
- ↑ ХИФУ саайта, Донской Дмитрий Емельянович
 |
Бу киһи туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |
- Дьон алпаабытынан
- Учуонайдар алпаабытынан
- Муус устар 4 күнүгэр төрөөбүттэр
- 1925 сыллаахха төрөөбүттэр
- Ньурба улууһугар төрөөбүттэр
- 1989 сыллаахха өлбүттэр
- Аҕа дойду сэриитин II ст. уордьанын кавалердара
- Дьон туһунан
- Аҕа дойду Улуу сэриитин кыттыылаахтара:Ньурба улууһа
- Алтынньы 7 күнүгэр өлбүттэр
- Саха учуонайдара