Догу, Яшар

Бикипиэдьийэ диэн сиртэн ылыллыбыт
Перейти к навигации Перейти к поиску
Яшар Догу.jpg

Яшар Догу (туур. Yaşar Doğu, 1913—1961) — туурак тустууга, аан дойду, Европа уонна Олимпиада чөмпүйүөнэ. Омуга — убых.

Яшар Догу 1913 сыллаахха Кавак эбэтэр Самсун оройуонун Карлы дэриэбинэтигэр төрөөбүт. Кини 15 сааһыттан туурок национальнай тустуутунан дьарыктанан саҕалаабыт. Ол кэннэ байыаннай сулууспаҕа сылдьан, аан дойду норуоттарын тустуутун көрүҥнэринэн эрчиллэн саҕалаабыт. 1939 сыллаахха дойду национальнай сүүмэрдиир хамаандатыгар киирбит.

Яшар Догу эмиэ атын тустууктар курдук, грек-рим да тустуутунан, көҥүл да тустуунан утумнаахтык дьарыктаммыта. Ол гынан баран, кини ордук көҥүл тустууга ситиһиилэммитэ. 1946 уонна 1949 сыллардаахха Европа, 1948 сыллаахха - Олимпиада, 1951 сыллаахха - аан дойду чөмпүйүөнэ буолбута. Тустуутун түмүктээн баран өр кэм устата дойду национальнай сүүмэрдиир хамаандатын тириэньэрин быһыытынан үлэлээбитэ.

1955 сыллаахха Швецияҕа ыытыллыбыт аан дойду чөмпүйэнээтигэр тириэньэр быһыытынан кытта сылдьан, эмискэ сүрэҕэ ыалдьан (инфаркт) балыыһаҕа киирбитэ. 1961 сыллаахха иккистээн инфарктаан баран, өлбүтэ.

Кэриэс[уларыт | биики-тиэкиһи уларытыы]

Стамбул куоракка сыл аайы Яшар Догу кэриэһигэр көҥүл тустууга норуоттар икки ардыларынааҕы күрэх ыытыллар.

Бэлиэтээһиннэр[уларыт | биики-тиэкиһи уларытыы]

Журнал «Эхо Кавказа». №3, 1993. с. 11
Мемориал Яшара Догу

Сигэлэр[уларыт | биики-тиэкиһи уларытыы]

  • Яшар Догу — Sports-Reference.com (англ.) саайка олимпиада статистиката
  • Яшар Догу — International Wrestling Database (англ.) саайка профила