Диэрби түмэлэ уонна уус-уран галереята

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Түмэлгэ баар Принц Чарли хоһо

Диэрби түмэлэ уонна уус-уран галереята (ааҥл. Derby Museum and Art Gallery) — 1879 сыллаахха бибилитиэкэни кытта олохтоммут Диэрби куорат түмэлэ. Куорат Кафедра кыбартаала диэн ааттанар оройуонугар кыһыл киппииччэттэн Ричард Нилл Фримен бырайыагынан Майкл Басс-кыра диэн киһи үбүнэн тутуллубут дьиэ.

1863 сыллаахха Александр Кроолл диэн ботаник бибилитиэкэринэн анаммыт, нөҥүө сылыгар бибилитиэкэ түмэли кытта холбоспут.

Түмэлгэ Джозеф Райт элбэх хартыыналара бааллар (300-тэн тахса эскиистэрэ, 34 арыы-кыраасканан суруллубут хартыыната уонна дөкүмүөннэрэ харалла сыталлар). Маны таһынан түмэлгэ археологияҕа, айылҕа көстүүлэригэр, геологияҕа, байыаннай дьыалаҕа сыһыаннаах экспонааттар бааллар. Диэрби куораттан уонна таһынааҕы сирдэртэн хомуллубут фарфор оҥоһуктар көрдөрүүгэ тураллар.