Гудини Гарри

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс
Гудини наручниктаах турар, 1918

Гудини Гарри (ааҥл. Harry Houdini) — аан дойдуга биллибит фокусник. Будапешка 1874 сыллаахха төрөөбүт. Кыра эрдэҕинэ аҕата АХШ-ка көспүт. Гудини оҕо сылдьыаҕыттан трюктары көрдөрөр эбит.

Гудини бэйэтин сыабынан кэлгиттэрэн, илиитигэр наручник кэтэртэрэн баран дьааһыкка уктарар эбит, онтукатын хататтаран баран ууга бырахтарар эбит. Онтон тыыннаах тахсан кэлэр эбит.

Олоҕо уонна карьерата[уларыт | биики-тиэкиһи уларытыы]

Будапешт куоракка дьэбэриэй дьиэ кэргэҥҥэ Эрик Вайс диэн ааттаах төрөөбүт, профессиональнак маг буоларыгар аатын уларыппыт. Бастаан өлэтэ олус улахан ситиһиитэ суох ааспыт, онтон Мартин Бек диэн киһини кытта көрсүспут, Мартин Гарри Гудини менеджера буолбут, уонна Европаттан саҕалаан көрдөрүүлэрин киэҥник тарҕаппыт.

Гарри Гудинины "Наручник тойоно" диэн ааттыыллар эбит. Кинини хайдах да баайбыттарын иһин син биир онтон тахсар эбит. Кини хаайылартан, наручниктартан, араас сыаптартан, быалартан, смирительнай рубашкалартан босхолонор эбит. 1912 сыллахха Кытай уутун пыткатын башнята диэн ааттаах ордук биллэр трюгун көрдөрбүтэ. Онно кинини таҥнары тутан уунан толоруллубут курдат көстөр таастан оҥоһуллубут ыскаапка угуллар уонна тыынын үс мүнүүтэ устата тутуон наада уонна босхолонуон наада этэ. Ол кэнниттэн ол трюгун бары шоуларыгар көрдөрөр этэ.

Өлүүтэ[уларыт | биики-тиэкиһи уларытыы]

1926 сыллаахха Мичиган штатыгар Детройт куоракка перитониттан өлбүтэ. Аппендициттыы сылдьар бириэмэтэ этэ, ол гынан баран быраастан аккаастаммыта. Гордон Вайтхед диэн ааттаах устудьуо кинини көрө кэлэн баран Гудинины күүскэ хаста да искэ саайдахха син биир тулуйар диэн истибитэ чахчы дуо диэн ыйыппыт.[1] Гудини тулуйабын диэн эппиэттээбит уонна иһин бэлэмниэн иннинэ ол устудьуон уол хаста да саайбыт. Ол кэнниттэн шоутугар барбыт уонна көрдөрө сырыттаҕына аппендицита хайдыбыт уонна онтон Гарри өлбүт. Сорох быраастар аппендицита син биир хайдыахтаах этэ диэн этэллэр, тоҕо диэн Гуддини быраастан аккаастаммыта. 1926 сыл сэтинньи 4 күнүгэр көмүллүбүтэ. Көмүүтүгэр 2000 тахса киһи бырастыылаһа кэлбиттэр.

Быһаарыылар[уларыт | биики-тиэкиһи уларытыы]

  1. Harry Houdini - The Death of Houdini at The Great Harry Houdini.com