Грегори Диз

Бикипиэдьийэ диэн сиртэн ылыллыбыт
(Мантан: Грегори диз көстө)

Грегори Диз (1950 сыллаахха төрөөбүт – ахсынньы 20 күнүгэр 2013 сыллахха АХШ Хотугу Каролина штатыгар Дарем куоракка өлбүт) – Эмиэрикэ биллииллээх учуонайа, бэрэпиэссэр, Дьюк үнүбэрсиэтин иһинэн үлэлиир Түмэт урбаанын сайдыытын киинин төрүттээччи, дириэктэрэ.

Грегори Диз 1990-с сыллар бүтүүлэригэр түмэт урбаанын аан бастакынан идэ быһыытынан билиһиннэрбит уонна билим диссипилиинэтин быһыытынан үөрэтэн, чинчийэн саҕалаабыт.

Гергори Диз икки кинигэ (аанг. “Enterprising Nonprofits” уонна аанг. “Strategic Tools for Social Entrepreneurs”) уонна 60-ча билим ыстатыйатын ааптара. Кини элбэх чинчийии, үөрэтии көмөтүнэн урбаан уонна инновация холбостохторуна үгүс социальнай кыһалҕаны, ол иһигэр олох-дьаһах туругун тупсарыыны, тулалыыр эйгэ киртийиитин, быһаарыахха сөп диэн дакаастаабыта. Грегори Диз билиминэн дьарыктанарын таһынан, The Bridgespan Group, Inc. Кэтээн көрөр сэбиэтигэр уонна да атын онуоха ханыылыы тэрилтэлэргэ үлэлээбитэ; Аан дойдутааҕы экэнэмиичэскэй форумун социальнай инновацияҕа салаатыгар бэрэссэдээтэллээбитэ; Journal of Social Entrepreneurship уонна Social Enterprise Journal сурунааллар эрэдээктэрдэрин сэбиэтигэр киирбитэ; Kauffman Foundation тэрилтэҕэ үлэлээбитэ. Биографията Грегори Диз 1950 сыллаахха төрөөбүтэ. Диз Цинциннати үнүбэрсиэтин бакалавриатын бүтэрбитэ. Йель үнэбэрсиэтигэр магистр, оттон Джонс Хопкинс үнүбэрсиэтигэр дуоктар истиэпэнин көмүскээбитэ. Үөрэҕин бүтэрэн баран McKinsey & Company хампаанньаҕа консультатынан үлэлээбитэ. Диз билимҥэ карьератын Йель менеджмеҥҥэ оскуотатыттан саҕалаабыта. Кэлин Гарвардтааҕы биисинэс оскуолаҕа преподователлээбитэ. Онно үлэлии сылдьан түмэт эйгэтигэр урбааны киллэрэр туһунан анал куурус аһылларын туруорсубута. 1995 сыллаахха Harvard’s Apgar Award for Innovation in Teaching наҕарадатын туппута. Диз ити курдук кэккэ сылларга урбаан сайдыытыгар үлэлэһэн баран, Стэнфорд үнэбэрсиэтин Биисинэс оскуолатыгар көһөн кэлэн, Түмэт инновацияларын киинин тэрийбитэ, онно бакалавриат, магистратура уонна биисинэс анал куурустарын арыйбыта. 1998 сыллаахха “Түмэт урбаанын быһаарыы” диэн ыстатыйаны таһаарбыта (аангылыйа тылынан). 2001 сыллаахха Диз Фукуа биисинэс оскуолатыгар көспүтэ. Ол экннэ Дьюк үнүбэрсиэтигэр Бес Анресоны кытары Түмэт урбаанын сайдыытын киинин тэрийбитэ.

2007 сыллаахха Аспен үнүстүүтэ уонна “Ашок” пуондата Грегори Диһи түмэт урбааныгар ситиһиилэрин иһин анал бирииһинэн наҕараадалаабыта. 2012 сыллаахха АХШ норуоттар икки ардыларынааҕы сайдыыга аҕыныстыбата Түмэт урбаанын сайдыытын киинин наҕараадалаабыта уонна киин садарыгар анаан 10 мөлүйүөн АХШ дуолларын гран быһыытынан көрбүтэ. Грегори Диз ахсынньы 20 күнүгэр 2013 сыллаахха, 63 сааһыгар олорон, Дьюк үнүбэрсиэтин балыыһатыгар өлбүтэ.