Горнай улууһун өрөгөйүн ырыата

Бикипиэдьийэ диэн сиртэн ылыллыбыт
Перейти к навигации Перейти к поиску
Туругур, мин дойдум, Куорунай
Тылларын ааптара В. И. Николаев
Композитор Н. И. Осипов
Дойду Горнай улууһаFlag of Gornui ulus.jpg Горнай улууһа
Бигэргэммит 27.11.2003
Горнай улууһун өрөгөйүн ырыата

«Туругур, мин дойдум, Куорунай» — Горнай улууһун өрөгөйүн ырыата, улуус ытык бэлиэтэ.
2003 сыллаахха сэтинньи 27 күнүгэр Горнай улууһун Мунньаҕын 123 №-дээх «Об утверждении текста и музыки Гимна Муниципального образования „Горный улус (район)“ PC(Я)» Быһаарыытынан бигэргэтиллибит.[1]

Ырыа ис хоһооно[уларыт | биики-тиэкиһи уларытыы]

Ырыа тыла[уларыт | биики-тиэкиһи уларытыы]

Туругур, мин дойдум, Куорунай
Бастакы кэрчигэ

Саҥалыы олоҕу тутарга
Саталлаах, дьоҕурдаах, талааннаах,
Сайдыылаах сайаҕас ыччаттаах
Куорунай дьонноро
Үүнэр-үрдүүр дьулуурбут —
Уйгулаах олохпут мэктиэтэ.

Хос ырыата

Эн өрүүтүн үүнэ тур, мин дойдум, үрдүккэ көт,
Эн өрүүтүн чэчирии, сайда тур
Сырдыкка, ырааска, кэрэҕэ.

Иккис кэрчигэ

Күргүөмнээх үлэнэн оргуйан,
Кыайыыттан кыайыыга кынаттыыр
Чөл олоххо тардыһар
Куорунай дьонноро
Саҥаны айар-тутар
Сарсыҥҥы саргыны саҕабыт.

Хос ырыата

Эн өрүүтүн үүнэ тур, мин дойдум, үрдүккэ көт,
Эн өрүүтүн чэчирии, сайда тур
Сырдыкка, ырааска, кэрэҕэ.

Үһүс кэрчигэ

Төлкөнү бэйэбит түстэнэн,
Баай-талым олоххо тиийэргэ
Үөрэхтээх, дэгиттэр идэлээх
Куорунай дьонноро,
Турунуох, бииргэ түмсэн,
Дьол-соргу, барҕарыы туһугар!

Хос ырыата

Эн өрүүтүн үүнэ тур, мин дойдум, үрдүккэ көт,
Эн өрүүтүн чэчирии, сайда тур
Сырдыкка, ырааска, кэрэҕэ.
Эн барыбыт тапталбыт, эрэлбит, киэн туттуубут,
Эн уруйдан-айхаллан, туругур,
Тапталлаах мин дойдум, Куорунай!













































Ырыа ааптардара[уларыт | биики-тиэкиһи уларытыы]

Ырыа тылын В. И. Николаев суруйбут, музыкатын — Н. И. Осипов.[2]

Быһаарыылар[уларыт | биики-тиэкиһи уларытыы]

Халыып:Горнай улууһа