Гоголев Василий Иннокентьевич

Бикипиэдьийэ диэн сиртэн ылыллыбыт
Перейти к навигации Перейти к поиску

Гоголев Василий Иннокентьевич — Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин култууратын туйгуна, Саха Өрөспүүбүлүкэтин Суруйааччыларын сойууһун чилиэнэ. Дьокуускай куорат 33 № орто оскуолатыгар уруһуй, технология учууталынан үлэлиир.

Олоҕун олуктара[уларыт | биики-тиэкиһи уларытыы]

Мэҥэ Хаҥалас оройуонун Балыктааҕар 1956 с. алтынньы 8-гар төрөөбүтэ.

1975 с. Балыктаахха оскуоланы бүтэрбитэ. 1979 с. Намнааҕы художественнай педучилищены, 1985 с. Хабаровскайдааҕы култуура институтун бүтэртээбитэ. 1985—1987 сс. Үөһээ Бүлүү култууратын систематыгар ситиһиилээхтик үлэлээбитэ. 1987—1990 сс. Үөһээ Бүлүүтээҕи 2 ньүөмэрдээх оскуолаҕа, М. А. Алексеев аатынан республиканскай гимназияҕа үлэлээбитэ. 1990—1999 сс. Ускуустуба оскуолатын художественнай кылааһыгар тахсыылаахтык үлэлээбитэ. 1998—2000 сс. «Суор тиһэх кыланыыта» диэн видеодетектив сценарийын суруйан уус уран киинэ устубута. М. К. Аммосов аатынан Хотугулуу-Илиҥҥи Федеральнай университетын РФ Илиҥҥи олохтоох омуктарын тылларын уонна культуураларын институтун Саха литературатын магистрана.

Хоһоон суруйуута[уларыт | биики-тиэкиһи уларытыы]

Хоһоону 1990 сыллартан суруйар.
1996 с. Үөһээ Бүлүүгэ маҥнайгы хоһооннорун хомуурунньуга бэчээттэммитэ.
2013 с. Көһөрүллүү, — диэн сэһэнин «Бичик» кинигэ кыһата,
2013 с. Хоһуун таас, -диэн сэһэнин «Сайдам» кинигэ кыһатао бэчээттээбиттэрэ.
2013 с. Герой Ийэ — Далбар Хотун ахтыылар брошюраларын бэчээттэппитэ.
2014 с. «Көһөрүллүү», «Хоһуун таас» сэһэннэри Хараҕа суохтар республикатааҕы библиотекалара аудио кинигэлэр гынан таһаарбыттара.

Ийэкээм диэн хоһоонугар айыллыбыт ырыа: Үрдэл национальнай музыкальнай бириэмийэ кыайыылааҕа,
Этигэн Хомус «Бастыҥ ырыа», «Көрөөччүлэр биһирэбиллэрэ» номинациялары ылбыта. Ил Дархан «Норуот сөбүлүүр ырыата» диэн граанын хаһаайына буолбута.
«Ийэкээм» хоһоонугар видеоклип устубута, клииптэр күрэстэрин бастыҥ клиибинэн ааттаммыта. Дьон сэргэ биһирэбилин ылбыта.

Тус олоҕо[уларыт | биики-тиэкиһи уларытыы]

Кэргэннээх, үс оҕолоох, сэттэ сиэннээх.

Наҕараадалара[уларыт | биики-тиэкиһи уларытыы]

Саха Өрөспүүбүлүкэтин үөрэҕириитин туйгуна,
Саха Өрөспүүбүлүкэтин культуратын туйгуна,
Саха Өрөспүүбүлүкэтин Суруйааччыларын сойууһун чилиэнэ.
Саха Өрөспүүбүлүкэтин ИДьМ Түөскэ кэтиллэр «ЗНАК ПОЧЕТА» бэлиэ кавалера.
200 лет МВД России юбилейнай мэтээлинэн наҕараадаламмыта.