Галина Семеновна Попова

Бикипиэдьийэ диэн сиртэн ылыллыбыт

Попова Галина Семеновна-Санаайа - профессор, педагогическай билим хандьыдаата, СӨ норуот үөрэҕириитин туйгуна, СӨ үрдүк идэтийбит үөрэҕирии туйгуна, СӨ култууратын туйгуна, Муома улууһун бочуоттаах олохтооҕо, Мэҥэ-Хаҥалас улууһун 1 Тыыллыма нэһилиэгин бочуоттаах олохтооҕо, М.К.Аммосов аатынан Хотугулуу-илиҥҥи Федеральнай Университет Арассыыйа Федерациятын Хотугулуу-илиҥҥи норуоттар тылларын уонна култуураларын үнүстүүтүн Культурология хаапыдыратын доцена.

1949 с. сэтинньи 28 күнүгэр Мэҥэ-Хаҥалас улууһун 2-с Хаптаҕай нэһилиэгэр төрөөбүтэ. 1969-1974 сс. СГУ физико-математическай факультетыгар үөрэммитэ. Үөрэҕин бүтэрээт, Дьокуускай куорат 26-с нүөмэрдээх оскуолатыгар учууталынан анаммыта. 1975 сыллаахтан муома улууһугар учууталынан, методиһынан, оскуола дириэктэрин солбуйааччытынан үлэлээбитэ. 2001 сыллаахтан Дьокуускай куоракка М.К.Аммосов аатынан Хотугулуу-илиҥҥи Федеральнай Университет Арассыыйа Федерациятын Хотугулуу-илиҥҥи норуоттар тылларын уонна култуураларын үнүстүүтүн Культурология хаапыдыратын доценынан үлэлиир.