Гаевой Анатолий Иванович

Бикипиэдьийэ диэн сиртэн ылыллыбыт

Гаевой Анатолий Иванович — Саха сиригэр мүөттээх ыҥырыаны иитэр, бу дьарыгы тарҕатыынан дьарыктанар, мүөтүн саха мүөтэ диэн ааттаан атыылыыр урбаанньыт.

Атыылыыр: саха мүөтэ, маточнай үүт, пыльца, прополис. Гаевой Анатолий Иванович 1984 сылтан тигээйини иитэр. Өрөспүүбүлүкэ уонна дойду дьаармаркаларын кыайыылааҕа. 2000 сыллаахха Сибиир уонна Уһук Илин регионнарын икки ардыларынааҕы быыстапкаҕа кыһыл көмүс мэдээли ылбыта. Германия уонна Таиланд тигээйиһиттэригэр биллэр. Бүтэһик 12 сыл Саха сиринээҕи гериатриятын киинин оҥорон таһаарар аһынан-үөлүнэн хааччыйар. Анатолий Иванович оҥорор мүөтүнэн уҥуох ыарыыларын, астманы, дисбактериоһы, куртах бааһын, гастриты эмтииллэр. Саха мүөтүн сүрүн уратыта араас оттон оҥоһуллара (ньээм от, талах, дөлүһүөн, ньургуһун, уҥуохтаах отон, уулаах отон, биэ эмиийэ, моонньоҕон, сугун, хаптаҕас, кучу уо.д.а.) Саха мүөтэ түмүллүүтэ (концентрацията) бэрт буолан олус туһалааҕынан биллэр, кини Арассыыйа соҕуруутуттан ылыллыбыт мүөттэн улахан уратылаах. Тоҕо диэтэххэ саха тигээйилэрэ кылгас кэм иһигэр түмүүлээх мүөтү кыстаары түргэнник хомуйа охсоллор. Ол иһин саха мүөтэ ферменнарынан, аминокислоталарынан, микроэлеменнарынан баай.


Сигэнии: http://khabexpo.ru/13f/gai.htm