Габдулла Тукай пааматынньыга

Бикипиэдьийэ диэн сиртэн ылыллыбыт
Перейти к навигации Перейти к поиску

Габдулла Тукай мэҥэтэ — Татаар чулуу бэйиэтэ, литературнай кириитигэ, публициһа, түмэт диэйэтэлэ уонна тылбаасчыта Габдуллаа Тукаайга 1958 сыллаахха Казань куоракка туруоруллубут өйдөбүнньүк.


ГабдуллаТукай 1886 с.муус устар 26 күнүгэр, Кушлавыч дэриэбинэҕэ төрөөбүтэ. Аҕата - Мухамедгариф Мухамедгалимов(1843-1886), Казанскай губерния Казанскай уеһын Кушлавыч дэриэбинэтин олохтооҕо, 1864 сылтан төрөөбүт дэриэбинэтигэр мулла. Ийэтэ - Мэмдудэ(1864 - 1890). Аҕатынан эһэтэ - Мухаммедгалим эмиэ, мулла эбит. Ийэтинэн эһэтэ - Зинатулла Амиров(1829-1909), омуга башкир. Габдулла Тукай бырааттаах - Мухамметшариф(1873-1890) уонна балтылаах - Газиза (1877-1963).

Тукай аатынан кэккэ болуоссаттар, уулуссалар ааттаммыттара. Киин болуоссат уонна онно баар метро станцията, Старо-Татарскай солобуодаҕа, Арскай оройуон Саҥа Кырлай дэриэбинэтигэр уонна Татарстан атын куораттарыгар, дэриэбинэлэригэр уулуссалар, Уфаҕа, Шаранскай оройуоҥҥа, Башкортостаҥҥа, Йошкар-Олаҕа, Челябинскэйгэ, Алматыга, Уральскайга, Ташкеҥҥа, Нукуска, Анкараҕа уулуссалар, Стамбулга паарка уонна Тарсуска бульвар, Ижевскайга, Березовскайга уулуссалар, Димитровградка 22 нүөмэрдээхх оскуола Габдулла Тукай аатын сүгэллэр.

Казань куоракка, Пушкин уулуссатыгар Габдулла Тукай аатынан искибиэргэ, киниэхэ аналлаах пааматынньык турар. Ааптардар:Ахунов Садри Салахович, Кербель Лев Ефимович уонна Писаревскай Лев Моисеевич. Пааматынньык - боруонсаттан кутуллубут, илиитигэр арыллыбыт кинигэлээх Габдулла Тукай бүгүүрэтэ, хара өҥнөөх лабрадориттан оҥоһуллубут үрдүк постамент үрдүгэр туруоруллубут. Постамент аллараа өттө түөрт муннуктаах олбоххо турар эрээри, сыыйа, аҕыс кырыылаахха кубулуйар. Аллараа өттө татаар норуотун орнаменынан курдуу киэргэтиллибит. Постамент илин өттүгэр кириллицанан уонна арааб алпабыытынан сурук охсуллубут: "Габдулла Тукай 1886-1913". Пааматынньык 1958 с. РСФСР Миниистирдэрин Сэбиэтин 1327 нүөмэрдээх уураҕынан арыллыбыта. 1960 с.атырдьах ыйын 30 күнүгэр, култуурунай баай бэдэрээлинэй суолталаах эбийиэгинэн биллэриллибитэ.

https://ru.m.wikipedia.org/wiki/%D0%A2%D1%83%D0%BA%D0%B0%D0%B9,_%D0%93%D0%B0%D0%B1%D0%B4%D1%83%D0%BB%D0%BB%D0%B0 https://ru.m.wikipedia.org/wiki/%D0%9F%D0%B0%D0%BC%D1%8F%D1%82%D0%BD%D0%B8%D0%BA_%D0%93%D0%B0%D0%B1%D0%B4%D1%83%D0%BB%D0%BB%D0%B5_%D0%A2%D1%83%D0%BA%D0%B0%D1%8E_(%D0%9A%D0%B0%D0%B7%D0%B0%D0%BD%D1%8C,_%D1%83%D0%BB%D0%B8%D1%86%D0%B0_%D0%9F%D1%83%D1%88%D0%BA%D0%B8%D0%BD%D0%B0)