Волков Афанасий Софронович

Бикипиэдьийэ диэн сиртэн ылыллыбыт

Волков Афанасий Софронович - (27.12.1909 Мастаах, IV Тоҕус нэһилиэгэ – 1992) — үлэ, тыыл бэтэрээнэ, уһулуччулаах салайааччы.

Олоҕун олуктара[уларыт | биики-тиэкиһи уларытыы]

1909 сыллаахха ахсынньы ый 27 күнүгэр Мастаахха төрдүс Тоҕус нэһилиэгэр дьадаҥы дьиэ кэргэҥҥэ төрөөбүтэ. 1920 сыллаахха Балаҕаччыга интернакка олорон үөрэммит. Түөрт кылааһы бүтэрэн баран, Бүлүү педучилищетыгар киирбитэ. Иккис кууруһу бүтэрээт, Үөһээ Бүлүү Нам, Өргүөт оскуолатыгар директордаабыта. ССКП Бүлүүтээҕи райкомун инструкторынан, отдел сэбиэдиссэйинэн, үһүс сэкиритээринэн, "Колхуос суола" хаһыат эппиэттиир эрэдээктэринэн үлэлээбитэ. 1942 - 1947 сыллаахха ССКП Кэбээйитээҕи райкомун иккис сэкирэтээринэн үлэлии сылдьан Красноярскайга партийнай оскуолаҕа үөрэммитэ, онтон Ньурбаҕа райком бастакы сэкиритээринэн үлэлээбитэ. Салгыы Москваҕа ССКП иһинэн Үрдүкү партийнай оскуоланы бүтэрбитэ. Бу кэнниттэн Саха АССР миниистирдэрин Советын бэрэссэдээтилин солбуйааччытынан анаммыта.

Афанасий Софронович Бүлүү, Кэбээйи, Ньурба райкомнарын чилиэнинэн уонна райсоветтар депутаттарынан быыбардаммыта. ССКП обкомун чилиэнинэн хас да төгүл талыллыбыта. Уонна Саха АССР Верховнай Советын депутатынан хаста да быыбардана сылдьыбыта. Партия 19 съеһин делегатынан талыллыбыта. "Үлэ Кыһыл Знамята" "Бочуот знага" орденнарынан, "1941 - 1945 с. Аҕа дойдуну көмүскүүр Улуу сэриитигэр килбиэннээх үлэтин иһин", "В. И. Ленин төрөөбүтэ 100 сылын туолуутугар килбиэннээх үлэтин иһин" мэтээллэринэн уонна РСФСР Верховнай Советын Президиумун бочуоттаах грамотатынан наҕараадаламмыта, Союзнай суолталаах персональнай пенсияҕа тахсыбыта. 1992 өлбүтэ. Волков Афанасий Софронович - үтүөкэн киһи, сатабыллаах салайааччы эбит.