ВИТАЛИЙ ЕГОРОВ

Виталий Егоров

Виталий Михайлович Егоров сулууспатын Ис дьыала министиэристибэтигэр, холуобунай ирдэбилгэ саҕалаабыта. Тус бэйэтэ элбэх ыар буруйу, сүнньүнэн, киһини өлөрүү дьыалаларын арыйбыта. Ол быһыытынан киһи туох санааттан саамай ыар аньыыны-хараны оҥорорун, ол туох содуллааҕын кини бэркэ билэр. Сулууспатын усталаах туоратыгар араас оперативнай дуоһунаска боростуой оперативниктан Саха сирин ИДьМ криминальнай милииссийэтин начаалынньыгын солбуйааччыга тиийэ үлэлээбитэ. Холуобунай дьыалалары арыйыы иһин элбэх наҕараадалаах. Виталий Егоров чахчы буолбут түбэлтэлэргэ олоҕурбут хас да сэһэн ааптара. «Адыаччы аймалҕана», «Сиэхсит сэтэ туолуута» сэһэннэри «Чочур Мыраан иэстэбилэ» айымньыны кытары трилогия сүрүн бэрсэнээһэ Владлен Димов уонна саамай ынырык хара дьайы – өлөрүүнү – кытары охсуһар үтүө санаалаах, эрэллээх доҕотторо ситимнииллэр. Сүрүн дьоруой Владлен Димов – тус идэлэригэр бэриниилээх, сиэрдээх быһыы, сокуон өрөгөйдүүрүн туһугар сыраларын-сылбаларын уурбут ол саҕанааҕы бастыҥ сыщиктартан таҥыллан оҥоһуллубут уобарас.