Былаах
Былаах, дуоҕа — бэлиэ быһыытынан туттуллар өҥнөөх таҥас, үксүнэн геометрическай фигура быһыытынан оҥоһуллар.
Дуоҕа 5000-тан тахса сыл аннараа өттүгэр үөскээбитэ. Бастаан дуоҕа тирииттэн, түүттэн, мастан оҥоһуллара. Оттон таҥас дуоҕа Кытайга 3000 сыл аннараа өттүгэр туттуллар буолбута.
Дуоҕалар көрүҥнэрэ:
- Ил дуоҕа — дойду эбэтэр нация бэлиэтэ. АХШ национальнай дуоҕата сулустардаах уонна дьураалардаах, Улуу Британия дуоҕата "Джек Союһа" диэн ааттаах, онтон Россия дуоҕата триколор буолар.
- Сорох республикалар, штаттар, куораттар уонна дэриэбинэлэр эмиэ дуоҕалаах буолаллар. Ол курдук, Саха Сирин дуоҕата халлан күөҕэ өҥнөөх, ортотунан маҥан төгүрүмтэлээх уонна аллараа өттүнэн маҥан, кыһыл, от күөҕэ өҥнөөх дьураалардаах.
- Хараабыллар дуоҕалара эмиэ атын атын. Ол курдук, сэрии хараабылларын дуоҕалара дьон хараабылларын дуоҕаларыттан ураты.
- Дуоҕалар өссө сороҕор ханнык эмит тэрилтэни, спортивнай хамаанданы, оскуоланы, полтическай партияны уратытарга туттуллар.