Бурцева Мария Гаврильевна
Бурцева Мария Гавриловна — саха бастакы идэтийбит суруналыыс дьахтара, «Кыым» хаһыакка үлэлээбитэ.
Олоҕун олуктара[уларыт | биики-тиэкиһи уларытыы]
Мария Гавриловна 1910 сыллаахха тохсунньу 6 күнүгэр Бороҕон улууһун (билиҥҥи Уус Алдан) Хоро нэһилиэгэр төрөөбүтэ. Аҕата Хабырылла 13 оҕолоох Сулукус Баһылайа диэн киһи 13 оҕотуттан төрдүһэ эбит. Сулукус Баһылайа Мүрү куулатыгар алар Чараҥ быыһынан икки биэрэстэ илин үрүйэ устун бардахха баар Буочара диэн тыымпыга олорбут. Хабырылла мас ууһа идэлээх эбит, эдэригэр бэдэрээккэ дьиэ тутуутугар сылдьыбыт. Уһана сылдьан оһоллонон, онтон сылтаан эдэригэр өлбүт. Мария кыра быраата кини өлбүтүн кэннэ төрөөбүт. Мария ийэтэ Өлтөх Говоровтарыттан төрүттээх эбит. Кэргэнэ өлбүтүн кэннэ аймахтырагар көспүт[1].
1946 сыллаахха 36 сааһыгар төрөөрү өлбүтэ.
Кэргэнэ Ковлеков Семен Петрович 1939-46 сылларга «Кыым» хаһыат эрэдээктэрэ этэ.
- ↑ Эдьиийбит умнуллубат дьылҕалаах, балта Бурцева Фекла Гаврильевна ахтыытыттан, 2004 сыл, Чараҥ