Бильярд
![](http://upload.wikimedia.org/wikipedia/commons/thumb/b/b8/%D0%92%D1%8B%D0%BF%D1%83%D1%81%D0%BA%D0%BD%D0%B8%D1%86%D0%B0_%D1%88%D0%BA%D0%BE%D0%BB%D1%8B_%D0%B8%D0%B3%D1%80%D0%B0%D0%B5%D1%82_%D0%B2_%D0%B1%D0%B8%D0%BB%D1%8C%D1%8F%D1%80%D0%B4.jpg/220px-%D0%92%D1%8B%D0%BF%D1%83%D1%81%D0%BA%D0%BD%D0%B8%D1%86%D0%B0_%D1%88%D0%BA%D0%BE%D0%BB%D1%8B_%D0%B8%D0%B3%D1%80%D0%B0%D0%B5%D1%82_%D0%B2_%D0%B1%D0%B8%D0%BB%D1%8C%D1%8F%D1%80%D0%B4.jpg)
Бильярд (биллиард, ааҥл. billiards) диэн анал остуолга шаардары анал маһынан охсон бэйэ-бэйэлэриттэн тэйитэн луузаҕа киллэрэр оонньуу.
Бильярд Саха Сиригэр
[уларыт | биики-тиэкиһи уларытыы]1998 с. Дьокуускайга бильярд спордун сөбүлээччилэр ассоциациялара үөскээбитэ. Түмсүүнү энтузиаст оонньооччулар бу спорт көрүҥүн киэҥ эйгэҕэ таһаарар сыалтан көҕүлээбиттэрэ. Ассоциация тэриллиэҕиттэн биирдиилээн бастыыр иһин курэх, эбии дьа-рык секцията тэриллибитэ. 2000 с. бу түмсүү күүһүнэн СР Бильярка Федерацията спор-тивнай общественнай тэрилтэ быһыытынан регистрацияламмыта, Россия Спордун Бильярд Национальнай Федерациятын састаабыгар киирбитэ. Бүгүҥҥү күҥҥэ федерация 85 актыыбынай чилиэннээх, 12 анал бильярд кулууба, Алдаҥҥа уонна Нерюнгрига феде-рация филиаллара үлэлииллэр. Энтузиастар, бильярды таптааччылар күүстэринэн республика улуустарыгар түмсүүлэр тэриллэллэр. Бу көрүҥүнэн 10 саастаах оҕоттон саҕалаан 70 саастарыгар тиийбит дьон дьарыктаналлар. Федерация инники сыалынан-соругунан бары улууска филиаллары, ирдэбилгэ эппиэттиир спортивнай саалалары тэрийии, үрдүкү категориялаах судьуйалары, тренердэри, спортсменнары бэлэмнээһин, Россия, Аан дойду таһымнаах күрэхтэһиилэргэ кыттыы.