Бикипиэдьийэ:Туһунан

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Бикипиэдьийэ (ааҥл. Wikipedia) — көҥүл тарҕанар кыахтаах билиилээх, аһаҕас, элбэх тылынан тахсар универсал интэриниэт-энциклопедия[1], биики бириинсиптэринэн оҥоһуллар.

Бикипиэдьийэ үлэлиирин «Бикимиэдийэ Пуондата Фонд Викимедиа» диэн АХШ-ка бэлиэтэммит түмэт-тэрилтэ хааччыйар, табаар бэлиэтин эмиэ кини бас билэр. Бикимиэдьийэ хамсааһына диэн аан дойдутааҕы хамсааһын баар, ол иһигэр Бикимиэдьийэ Пуондата уонна кини өйүүр бырайыактара (Бикипиэдьийэттэн ураты Биики-Хааһах, Бикитиэкэ, Биики-Сонун уо.д.а), Бикимиэдьийэ бииргэ үлэлиир тэрилтэлэрэ, ону тэҥэ ол бырайыактарга суруйар дьон киирэллэр. Бикимиэдьийэ бары бырайыактарыттан сүрүннэрэ Бикипиэдьийэ буолар, кини сахалыы салаата — бу Сир бары тылларынан толору энциклопедияны оҥоруохтаах бырайыак сорҕото. Энциклопедия аата ааҥыл тылыттан тахсар: wikiбиики», саайт үлэтин хааччыйар ньыматык (технология); ааҥыл тылыгар Хабаайы тылыттан киирбит, онно «түргэн» диэн суолталаах) уонна encyclopedia («энциклопедия»).

Бикипиэдьийэ сүрүн уратыта (биики ньыматыгын туһанан) ыстатыйаларын ким баҕарар, быраабылатын тутуһар түгэнигэр, айыан уонна уларытыан сөбө буолар, ол уларытарыгар хайаан да бэлиэтэнэр ирдэммэт. Суруйуу тута атын дьоҥҥо көстөр.

Бикипиэдьийэ кииннэммит эрэдээксийэтэ да, сүрүн эрэдээктэрэ да суох. Аан дойду бэйэтин баҕатынан суруйар дьоно Бикипиэдьийэ ыстатыйаларын суруйаллар, толороллор, көннөрөллөр. Улартыаххыт иннинэ бу түөрт быраабыланы ааҕыҥ диэн көрдөһөбүт:

  1. Ааптар быраабынан көмүскэнэр (копирайтаах) тиэкиһи уонна ойууну угумаҥ.
  2. Бикипиэдьийэ диэн энциклопедия, онон ааптар тус санаата көстүө суохтаах.
  3. Өскөтө мөккүөрдээх тиэмэҕэ ыстатыйа суруйар буоллаххына, туох баар өрүттэр санааларын киллэрэ сатаа.
  4. Саҥа ыстатыйаны суруйаргар бастаан урут суруллубукка бу туһунан туох баарын көрдөө.
Бикипиэдьийэ сахалыы салаатын билиҥҥи туруга
Бикипиэдьийэ MediaWiki движок 1.42.0-wmf.22 (bd76262) биэрсийэтигэр олоҕуран үлэлиир.
Бикипиэдьийэҕэ барыта 17 289 сахалыы ыстатыйа уонна 51 758 сирэй баар.
Бикипиэдьийэ сахалыы салаатыгар 404 814 уларытыы оҥоһуллубут.
Бикипиэдьийэ сахалыы салаатыгар 1765 билэ хачайдаан киллэриллибит.
Бикипиэдьийэ сахалыы салаатыгар 25 235 киһи бэлиэтэммит, ол иһигэр 3 дьаһабыл.
Ыстатыыстыка

Бикипиэдьийэ арбааһына (эрэкилээмэтэ) суох босхо сиэрбис, ханнык баҕарар киһи онно баары туһаныан сөп. Өскөтө көрдөөбүккүн булбатаххына санааҕын түһэримэ, баҕар, сотору кэминэн ол баар буолан хаалыа. Хата, кэтэһэ таарыйа, икки-үс ыстатыйата суруй эбэтэр баар ыстатыйаны тупсар!

Хайдах үлэлиирин манна тургутуоххун сөп.

«Модератор бэчээттиирин кэтэһэбин дуо…». Суох! Бикипиэдьийэҕэ модератор диэн суох. Ханнык баҕарар ааҕааччы ханнык баҕарар ыстатыйаны уларытыан сөп. Туох баар уларытыыҥ тута атын дьон көрүүтүгэр тахсар — уларытар түннүк анныгар «бигэргэт» диэни баттыах эрэ кэрэх. Бэлиэтэнэр да булгуччу буолбатах (ол эрээри бэлиэтэнэргэ сүбэлиибит).

Если вы не нашли в справочной системе ответов на ваши вопросы, либо у вас есть предложения по сотрудничеству с нашим проектом, то вы можете задать их на нашем форуме или обратиться к нам по электронной почте.

Эбии көр[биики-тиэкиһи уларытыы]

  1. Көҥүл тарҕанар кыахтаах биллиитэ диэн иһинээҕитэ аһаҕас лиссиэнсийэннэн тарҕаныыта ааттанар; ол эрээри сорох салаалара көҥүл тарҕаммат матырыйааллаахтар.

Атылыы бырайыактар[биики-тиэкиһи уларытыы]


Халыып:Сообщество Википедии


Халыып:Бикипиэдьийэ быраабылата