Бикипиэдьийэ:Пресс-релиз/2016 Саас
Европа дойдуларыгар сыһыаннааҕы суруйууга күрэс
Европа дойдуларын тылларынан тахсар бикипиэдьийэлэр көҕүлээһиннэринэн Бикипиэдьийэ араас салааларын ыккардыларыгар ситими олохтуурга, омуктар ыккардыларыгар сыһыаны бөҕөргөтөргө анаан бу күрэс 2016 сыл сааһыгар ыытыллар.
Күрэс Сахалыы Бикипиэдьийэҕэ муус устар 1 күнүттэн ыам ыйын 31 күнүгэр диэри марафон быһыытынан ыытыллыа. Быһааран эттэххэ, бикипиэдьийэҕэ марафон диэн болдьоммут кэм иһигэр элбэх ыстатыйаны суруйбут киһи кыайар күрэһин ааттыыллар.
Марафон түмүгүнэн дьүүллүүр сүбэ биэс кыайыылааҕы талыаҕа.
Хас биирдии күрэскэ кыттар дойду (ол эбэтэр сир) бэйэтигэр сыһыаннаах ыстатыйалар испииһэктэрин оҥорор. Саха сириттэн эмиэ испииһиэк оҥоһулла турар. Ол испииһэккэ киирбит ыстатыйалары араас омук дьоно бэйэлэрин бикипиэдьийэлэригэр суруйуохтаахтар.
Күрэскэ биирдиилээн дьон кытталлар.
Кыттар киһи ыстатыйатын Бикипиэдьийэҕэ бэйэтэ угар уонна аналлаах табылыыссаҕа ол ыстатыйатын аатын суруйар. Ыстатыйаны хайдах саҕалыыр, хайдах быһыылаахтык суруйар туһунан бикипиэдьийэҕэ бэйэтигэр көрүөххүтүн сөп. Бикипиэдьийэ энциклопедия буоларын быһыытынан, ыстатыйалара энциклопедияҕа дьүөрэлээх буолаллара ирдэнэр. Ол аата хаһыат ыстатыйатыгар, уус-уран айымньыларга майгыннаабат, чахчыларга олоҕурар матырыйаал буолуохтаах.
Бүк охсунуу: Бикипиэдьийэҕэ ааккын ааттаабакка да, псевдонимынан да суруйуохха сөп, ол эрээри бириистээх миэстэҕэ тиксибит киһи сурукка киирбит аатын тэрийээччилэргэ этэргэ бэлэм буолуохтаах. Күрэс балаһыанньатын Бикипиэдьийэҕэ билсээриҥ.
Харса суох суруйуҥ - Сахалыы Бикипиэдьийэҕэ атын сирдэр тустарынан ыстатыйалары элбэтиҥ!
Бикипиэдьийэ аадырыһа: https://sah.wikipedia.org/
Ыйытыыны Бикипиэдьийэ дьаһабылыгар Халаҥҥа halan@yandex.ru аадырыска ыытыаххытын, эбэтэр МГФ 661-88-33 нүөмэринэн сураһыаххытын сөп.
Тэрийэр бөлөх.
Ситимнэһии[биики-тиэкиһи уларытыы]
Эппиэттээх: Павлов Николай