Бикипиэдьийэ:Күрэс:Биллиилээх дьон/Пресс-релиз

Бикипиэдьийэ диэн сиртэн ылыллыбыт

Уопсайынан Саха Бикипиэдьийэтигэр быйыл ыытыллыбыт «Биллиилээх дьон» күрэскэ Новосибирскэйтэн, Казаньтан, Уус-Алдан улууһуттан, Үөһээ Бүлүү улууһуттан, Алтаай Өрөспүүбүлүкэтиттэн, Дьокуускайтан 16 киһи кытынна. Суруйбут дьон олорор географията көрөргүт курдук киэҥ. Бу Бикипиэдьийэ ырааҕы чугаһатар кыахтааҕын, уонна ыраах да сылдар киһи Сахатын сиригэр, сахатын омугар туһалаах буолуон сөбүн өссө төгүл ырылыччы көрдөрдө. Тоҕо диэтэххэ Сахалыы Бикипиэдьийэ бастатан туран саха ыччата билиилээх буоларыгар, дойдутун, омугун ытыктыыр буоларыгар туһуланар. Бикипиэдьийэҕэ суруйуу — бар дьоҥҥо туһаны аҕалыы!

Улуустан төрүттээх дьоҥҥо 105 ыстатыйа киирбит (6 киһи суруйбут); Нэһилиэк таһымыгар 70 ыстатыйа киирбит (10 киһи кытынна).

  • 1 миэстэ: Кыттааччы:Спиридон Борбуев (Үөһээ Бүлүү улууһун олохтоохторун туһунан 72 ыстатыйаны — үксэ спортсменнар тустарынан — суруйда)
  • 2 миэстэ: Кыттааччы:Kuchaai (25 ыстатыйаны — Саха сиригэр биллибит, араас улуустартан төрүттээх дьон туһунан)
  • 3 миэстэ Кыттааччы:Сур Бөрө (Новосибирскэйгэ олорор «кырдьаҕас» кыттааччыбыт үс дьоһуннаах, толору, сиһилии суруллубут ыстатыйаны Амма улууһун биллиилээх дьонун туһунан суруйда).
  • Бастакы: Кыттааччы:Дьаҕаһын сиэнэ (38 ыстатыйа. Бу Өрөспүүбүлүкэ Ытык Сүбэтин чилиэнэ, уруккута эппиэттээх дуоһунастарга үлэлээбит билигин бочуоттаах сынньалаҥҥа олорор ытык кырдьаҕас. Кини Ньурба улууһун Бордоҥ нэһилиэгэр төрөөбүт дьон туһунан суруйда)
  • Иккис: Кыттааччы:Кыайаана (Бу саҥа кыттааччы Уус Алдан улууһун Баатаҕай нэһилиэгин дьоруой ийэлэрин уонна холкуос бэтэрээннэрин туһунан 12 ыстатыйаны суруйан саҕалаата)
  • Үһүс: Кыттааччы:Анна Ховрова (Бу эмиэ саҥа кыттааччы сүнньүнэн Уус Алдан I Лөгөй нэһилиэгин чулуу дьонун туһунан 10 ыстатыйаны саҕалаата).

Дьикти кыттыы[биики-тиэкиһи уларытыы]

Маны таһынан аатын эппэтэх кыттааччы, хойутаан да буоллар, икки эрэ хонук иһигэр 91 ыстатыйаны Мэҥэ-Хаҥалас улууһун олохтоохторун туһунан (сүнньүнэн I Тыыллыма нэһилиэгин, Наахара, Ходоро уонна Хаптаҕай дьонун туһунан) суруйда. Бу аатын эппэтэх кыттааччы болдьоххо хапсыбата, ыстатыйаларын күрэс түмүктэммитин кэннэ икки-үс хонон баран суруйда, онон күрэскэ кыттыбата. Ол эрээри биһиги киниэхэ махталбыт улахан. Бу суруйуу эмиэ күрэс биир үтүө түмүгэ буолла диэн этэр толору бырааптаахпыт. Бикипиэдьийэҕэ ханнык баҕарар киһи бэйэтин аатын эппэккэ да кыттыан, туһаны аҕалыан сөбүн бу кыттааччы өссө биирдэ көрдөрдө.

Кыттыбыт дьоҥҥо махтал![биики-тиэкиһи уларытыы]

Бу ааттаммыт дьон таһынан Таатта Таанньата, ‎Галя Федорова, ‎‎Лена Босикова-Федорова, ‎‎Soppuruon, GambitXMen*1983, baidam_sakha, ‎Aincara, ‎Айталина Германовна диэн ааттарынан, миэстэлэспэтэх гынан баран, күрэскэ көхтөөх кыттыыны ылбыт, дьоһун кылааттарын киллэрбит дьоммутугар махталбытын тиэрдэбит! Бу бары бэйэлэрэ туһунан дьикти дьон. Холобура, Айталина Германовна диэн кыттааччы Алтаай Өрөспүүбүлүкэтигэр үөрэнэ сылдьар, Алтаай тылынан бикипиэдьийэ оҥорорго көмөлөһөр былааннаах. Барыгытыгар ситиһиилэри!

Өйөөбүт тэрийээччилэр уонна спонсордар[биики-тиэкиһи уларытыы]

Бастатан туран улахан махталы, санааны сахпытын уонна тэрийиигэ кыттыбытын иһин «Сайдыс» эдэр учуонайдар уонна идэлээхтэр ассоциацияларын салайааччытыгар Алла Ноговицынаҕа этэбит. Кини баар буолан бу күрэс ситиһиилээхтик ыытылынна. Барҕа махталбытын спонсордарга аныыбыт:

  • Надежда Платонова («Уус Экспо» маҕаһыын),
  • Евгений Григорьев, Владимир Федоров («Газстройпроект» хампаанньа),
  • Василий Амбросов (урбаанньыт),
  • Анатолий Асколонович Семенов (Технопарка, Куорат Дууматын дьокутаата),
  • Александр Афанасьевич Романов (Ил Түмэн дьокутаата),
  • Иван Тимофеев («Хард Стройинжиниринг» хампаанньа).

Эһиэхэ бары бикипиэдьийэһиттэр ааттарыттан саха омук кэскилигэр туһуланар, тылы көмпүүтэр эйгэтигэр киллэрэн үйэлээх үгэстиир үлэни өйөөбүккүт иһин махталбытын тиэрдэбит! Маннык, Эһиги курдук, барыһы кэтэспэккэ Бикипиэдьийэни өйүүр дьон баар буоланнар, бикипиэдьийэ көҥүл-аһаҕас билиини дьоҥҥо тарҕата туруоҕа диэн эрэнэбит!