Бикипиэдьийэ:Ис сигэ

Бикипиэдьийэ диэн сиртэн ылыллыбыт
Навигацияҕа көс Көрдөбүлгэ көс

Ис сигэлэр — Бикипиэдьийэ эрэ иһинээҕи ыстатыйалыр бэйэбэйэлэрин кытта ситимнииргэ эрэ буолбакка, атын тылынан суруллубут бикипиэдьийэлэр ыккардыларыгар уонна атылыы бырайыактар ыккардыларыгар ситими олохтуур модун үнүстүрүмүөн. Болҕомтону манна уурар улахан суолталаах, тоҕо диэтэххэ үчүгэй ыстатыйаны ис сигэтин наһаа аҕыйах эбэтэр наһаа элбэх гынан, буортулуур сүрдээх судургу.

Туохха наадалааҕый ис сигэ? Бастатан туран ааҕааччы ыстатыйаны кытта ыкса билсэригэр, ис хоһоонун бигэтик өйдүүрүгэр. Онон сигэни туруорарга киһи бэйэтиттэн ыйытыахтаах: бу ыстатыйаны ааҕарыгар атын киһи эн сигэммит ыстатыйаҕар барара төһө кэтэһиллэрий?

Ханна сигэниэххэ сөбүй:

  • Ойууланары ордук үчүгэйдик өйдүүргэ туһалаах ыстатыйаларга (холобур, Франция диэн ыстатыйаттан Франция географията диэн ыстатыйаҕа сигэнии);
  • Ойууланар өйдөбүл контексын ордук үчүгэйдик өйдүүргэ сөптөөх ыстатыйаларга (холобур: Орто үйэлэр түмэллэрэ диэн ыстатыйаттан Орто үйэ диэн ыстатыйаҕа сигэниэххэ сөп);
  • Ыстатыйаҕа орто ааҕааччы тута өйдөөбөт тиэрминэрэ баар буоллаҕына;
  • Атын майгыннаһар ааттаах өйдөбүлү кытта булкуур тахсыан сөп буоллаҕына.

Ханна сигэниллибэтий:

  • Бикипиэдьийэ ааҕааччылара үксүлэрэ билиэхтэрин сөп тиэрминнэрэ;
  • Чопчу ыстатыйа баар буоллаҕына уопсай ыстатыйаҕа сигэнэр улахан туһата суох. Холобур, Исландия алпаабыта диэн ыстатыйа баар буоллаҕына Исландия уонна алпаабыт диэн ыстатыйаларга сигэниллибэт.
  • Хас да өйдөбүллээх тыллар тиһиктэригэр. Чопчу өйдөбүлгэ сигэнэр куолу.
  • Биир ыстатыйаҕа хос-хос сигэни оҥорор наадата суох.
  • Сылларга сигэнэргэ эмиэ сөбүн көрөн сигэниллэр.