Бикипиэдьийэ:Бикипиэдьийэ хааччахтаммыт буоллаҕына

Сороҕор Бикипиэдьийэҕэ сатаан киирбэт буолуу түгэннэрэ көстүөхтэрин сөп. Тоҕо оннук буоларый уонна оннук кыһалҕа баар буоллаҕына тугу гыныахха сөбүй?

Бастатан туран, тоҕо оннук тахсарын быһаарыахха. Сорох дойдуттан Бикипиэдьийэҕэ киирэр уонна ыстатыйаларын көннөрөр быһаччы сатаммат. Арай ханнык эрэ техническэй сириэстибэлэр көмөлөрүнэн киириэххэ уонна ыстатыйа суруйуохха сөп. Бу үксүгэр Бикипиэдьийэни бэйэтин бобуу буолбатах, ханнык эрэ соҕотох ыстатыйа сокуоҥҥа сөп түбэспэт буолуутуттан тахсыан сөп. Бэйэҕит билэргит курдук, Бикипиэдьийэ ыстатыйатын ким баҕарар кимтэн да ыйыппакка уларытар бырааптаах. Онон оннук омсолоох ыстатыйа сороҕор баар буолан хаалар. Ол көһүннэҕинэ суут ыстатыйаны бобор кыахтаах. Ол эрээри, интэриниэт https технологията соҕотох ыстатыйаны эрэ көрдөбөт оҥорор кыаҕы биэрбэт, онон Бикипиэдьийэ барыта бүөлэнэн хаалар.

Арассыыйаттан киириини хааччахтааһын

Астрахань уобалаһын Черноярскайдааҕы суутун быһаарыытынан 2015 сыл бэс ыйын 26 күнүнээҕи быһаарыытынан Нуучча Бикипиэдьийэтигэр суруллубут «Чарас» диэн ыстатыйаны Арассыыйа үрдүнэн тарҕатар бобуллубут. Суут санаатынан ол ыстатыйаҕа наркотик оҥоруу туһунан суруллубут. 2015 сыл атырдьах ыйын 18 күнүгэр, суут буолбута икки ый буолан баран Роскомнадзор Бикипиэдьийэҕэ бобуллубут ыстатыйаны сотор туһунан биллэрии ыыппыт.

Нуучча Бикипиэдьийэтин кыттааччылара ол ыстатыйаны ырытан көрөн баран «Чарас» ыстатыйа тупсарыллыбытын бэлиэтээбиттэр уонна бырайыак быраабылатыгар толору сөп түбэһэрин, ол аата сотуллар кыаҕа суоҕун быһаарбыттар. 2015 сыл атырдтах ыйын 24 күнүгэр Роскомназдор интэриниэт-провайдердарга «Чарас» диэн ыстатыйаны бүөлүүргэ сорудахтаабыт, ол эрээри, олор соҕотох ыстатыйаны бүөлүүр кыаҕа суох буолан, Бикипиэдьийэни барытын бүөлүүргэ күһэллиэхтээхтэр.

Ол эрээри Роскомнадзор 2015 сыл атырдьах ыйын 25 күнүгэр Нууччалыы Бикипиэдьийэ «Чарас» диэн ыстатыйатын бобуулаах тиһиликтэн соппутун туһунан биллэрдэ. Бу информация интэриниэт-провайдердарга тиийдэҕинэ хааччаҕы суох гыныахтаахтар.

Тугу гыныахха сөбүй

Хааччаҕы тумнан Бикипиэдьийэни ааҕарга уонна онно ыстатыйа суруйарга сокуон кэһиллибэт.
Бастатан туран, үс сүүсчэкэ тыллаах Бикипиэдьийэттэн нууччалыы салаатыгар суруллубут суос соҕотох ыстатыйа суут быһаарытынан хааччахтаммыт. Нуучча салаатын атын ыстатыйалара да, атын да тылынан тахсар Бикипиэдьийэлэр бобуллубатахтар.
Иккиһинэн, хааччах сокуон этэринэн, интэриниэт-провайдердарга ананар. Ол аата көннөрү киһи тугу баҕарар ааҕара уонна суруйара көҥүл.
Онон, Бикипиэдьийэҕэ сатаан киирбэт түгэҥҥэ сокуон боппот ньымаларын туһанан киириэххэ, онно баар информацияны туһаныахха сөп, саҥа ыстатыйаны суруйар уонна баар эргэ ыстатыйаны уларытар эмиэ бобуллубат.

Нуучча Бикипиэдьийэтигэр суруллубуту хатылыыбыт:

Как дать ссылку на эту страницу

Если Википедия заблокирована, то и эту страницу читатели не увидят. Ниже приведены копии этой страницы на различных сайтах. Копии статические, поэтому при существенных изменениях этой страницы архивные ссылки следует обновлять:

• archive.org — копия в Архиве интернета,
• Gzifa — копия на Archive.is,
• http://www.webcitation.org/6b1SXgOUl копия на WebCite,
• https://ru.wikipedia.org./?curid=5949121 — на многих крупных провайдерах сработает и такая ссылка (обратите внимание на точку после доменного имени). Тот же приём может быть использован и для чтения иных страниц, учитывая, что многие провайдеры блокируют страницы только на уровне DNS.