Бикипиэдьийэ:Биики-көрсүһүү/Төбөтө

Бикипиэдьийэ диэн сиртэн ылыллыбыт
Кылгас сигэ-утаарыы
БП:БК
WP:MEETUP

Биики-көрсүһүү — олохтоох дьон көрсүһүүтэ. Маны таһынан дьон олорор сирдэригэр биики-конференция уонна биики-сэминээр тэрийиэхтэрин сөп. Кэмпириэнсийэ арыый киэҥ бырагыраамалаах буолар, элбэх киһи кыттар (ол иһигэр ыраахтан ыҥырыылаах ыалдьыттар), эрдэттэн уһун кэмҥэ бэлэмнэнэр. Кэмпириэнсийэ дойду үрдүнэн буолуон, эбэтэр хас да дойду биикиһиттэрэ көрсүөхтэрин сөп. Арассыыйаҕа сылын аайы, холобура, нуучча тыллаах бикипиэдьийэһиитэр кэмпириэнсийэлэрэ буолар, онно Арассыыйаҕа олохтоох омуктар тылларынан тахсар биики-бырайыактар кыттааччылара бары кытталлар. Оттон Биики-сэминээр диэн, аата этэ сылдьарын курдук, дьон туохха эрэ үөрэнээри мустар тэрээһинэ. Биики-көрсүһүүнү, кэмпириэнсийэни уонна сэминээри таһынан аан дойду биикиһиттэрэ Викимания диэн улахан мунньахха икки сылга биирдэ мусталлар.

Көрсүһүү туох эрэ анал тиэмэлээх ханнык эрэ бэлиэ сиргэ (холобура, түмэлгэ, кэрэ-бэлиэ сиргэ) ыытыллар буоллаҕына, биики-экскурсия диэн ааттаныан сөп.

Бу сирэйгэ Сахалыы Бикипиэдьийэ кыттыылаахтарын буолбут уонна буолуохтаах көрсүһүүлэрэ көстөр. Атын салаалар көрсүһүүлэрин көрөргө — "Атын омук тылынан" салааны көр.

Биики-көрсүһүүнү тэрийии[биики-тиэкиһи уларытыы]

Бикипиэдьийэ ханнык баҕарар кыттааччыта биики-көрсүһүү тэрийиэн сөп. Тэрийэргэ:

  1. «#Былааҥҥа» салааҕа туспа салаа аһыллыахтаах, онно суруллар:
    • ыҥырыы бэйэтэ;
    • көрсүһүү күнэ-дьыла, буолар сирэ уонна кэмэ;
    • баар буоллаҕына - көрсүһүү соруга.
  2. Кэпсэтэр сиргэ биллэрии таһаарыллар (манна сигэнэн туран).
  3. Көхтөөх кыттааччыларга электрон суругунан ыҥырыы ыытыллар (көхтөөх кыттааччылары сурунаалынан булуохха сөп). Инньэ гынарга кыттааччы тус сирэйигэр киирэн олорон хаҥас холуоҥкаҕа баар «Сэп-сэбиргэл» салааттан «Кыттааччыга сурук» диэни баттаа.