Беннетт арыыта
Беннетт арыыта. Илин Сибиирдээҕи байҕалга Де Лоҥ арыыларыттан биирдэстэрэ.
Иэнэ 150 кв.км. кэриҥэ. Муора таһымыттан үрдүгэ 426 м тиийэр[1]. 1881 сыллахха эмиэрикэ арктиканы чинчийээччитэ Де Лоҥ эспэдииссийэтэ арыйбыта. Эспэдииссийэни үбүлээбит "New York Herald" хаһыат таһаараачы Беннет Д.Г. аатынан ааттаммыта. Бу арыыны маҥнай хаартаҕа киллэрбит Эдуард Толль буолар. Кини бастаан 1901 сыллаахха "Заря" диэн шхунанан тиийэ сатаабыта да, муус мэһэйдээбитэ. 1902 с. бэс ыйыгар Олгуйдаах арыыттан ытынан айаннаан Беннет арыытыгар чугаһаабыттара, онтон байдаарканан 23 миилэни устан атырдьах ыйын 3 күнүгэр арыыга үктэммиттэрэ. Кинилэри күһүн "Заря" ылыахтааҕа, ол эрээри кыайан тиийбэтэҕэ, онон сэтинньи 8 күнүгэр төттөрү бэйэлэрэ айаннаабыттара уонна сүтэн хаалбыттара.
Арыыны өссө 1810 сыллаахха промышленник Яков Санников көрбүтэ диэн айанньыт Николай Находкин бэйэтин кинигэтигэр[2] этэр. 1820-23 сыллардаахха Саҥа Сибиир арыыларыгар Анжу эспэдииссийэтэ тиийэ сылдьан бу сири көрдүү сатаабыта да, таба тайамматаҕа.