А.Д. Филиппов аатынан Сынньалаҥ Киинэ

Бикипиэдьийэ диэн сиртэн ылыллыбыт
Перейти к навигации Перейти к поиску

Хоро нэһилиэгин дьонун-сэргэтин кэрэҕэ-үтүөҕэ уһуйар, талааннарын таһаарар кулууп дьиэтэ I Хороҕо 1952 с. Петров Петр Петрович сэбиэдиссэйдээх, Седалищева Елизавета Филипповна библиотекардаах үлэлээбит. Бу сыл саҥа кулууп дьиэтин тутуутун саҕалыыллар, тутуу биригэдьииринэн Ефремов Филипп Семенович, тутааччылар Васильев Иван Васильевич, Павлов Харлампий, Иннокентьев Петр Семенович уо.д.а. түүннэри-күнүстэри күүстээхтик үлэлээн 1953с. үлэҕэ киллэрбиттэрэ.

Үлэлээн ааспыт кулууп сэбиэдиссэйдэрэ[уларыт | биики-тиэкиһи уларытыы]

1953-1954 сс. Петрова Татьяна Петровна үлэлии сылдьыбыт. Бу сылларга сельскэй кулууп уонна сельскэй библиотека диэн арахсыбыттар.
1955-1956 сс. кулуупка сэбиэдиссэйинэн Хантаров Константин Софронович, сельскэй библиотека сэбиэдиссэйинэн Аммосова Матрена Саввична үлэлээбиттэрэ. Ол саҕана кулууб дьиэтэ оьо5унан оттуллар буолан,1956с-1965с. Иванов Семен Прокопьевич оһох оттооччунан, кэргэнэ Марфа Тимофеевна остуораһынан үлэлээн, 6 оҕолорунаан кулууп дьиэҕэ үрдуттэн олорбуттар.
1956 с.Дүллүкү нэһилиэгиттэн Петров Кирилл Сергеевич кэлэн үлэлээбитэ, нэһилиэк олоҕор улахан сэргэхсийиини таһаарбыта. Саҥа драматическай айымньылары туруорарга холонуулар саҕаламмыттара. Ахсынньы ыйга киинэ көрдөрөөһүнүгэр постояннай передвижка олохтонор, киномеханигынан Поскачина Марфа Филипповнна үлэлиир, өрүс бэтэрээ өттүн киинэни моторканнан туораталлара, онно моториһынан Ефремов Дмитрий Иннокентьевич үлэлээбит. Фото, шахмат, дуобат, үҥкүү, драма, хоровой куруһуоктар үлэлииллэр. Сыл устата 17 доклад, лекция, 2 монтаж, 2 тематическай биэчэрдэр, 9 постановка, сценка турбут. Маны таһынан фермаларга кыһыл муннуктар, боевой листоктар оҥоһуллубуттар.
1959 с. ССРС, Саха сирин культуратын туйгуна, Үөһээ Бүлүү улууһун Үөдүгэй нэһилиэгин, Чурапчы улууһун Хоптолоох нэһилиэгин бочуоттаах олохтооҕо Аммосов Афанасий Дмитриевич директорынан биир сыл үлэлиир.
1961 с. Кулууп сэбиэдиссэйинэн Иванов Василий П., библиотекарынан Неустроева К.У. кыра кэмҥэ үлэлии сылдьыбыттар. 1963 с.Кулуупка Еремисова Дария Николаевна, библиотекарынан Чиряева Матрена Алексеевна, киномеханигынан Поскачина Марфа Филипповна үлэлээбиттэр. 1964 с. Анал үөрэхтээх специалистар кулууп зав. Никонова Марина Степановна, библиотекарынан Григорьева Т.А. үлэлии кэлэллэр.
1965-1966с.- Никонова Мария Степановна заведующайыыр, Поскачина Марфа Филипповна киинэ көрдөрөн сыллааҕы бэриллибит былааны аһара толортуур.
1966 сыл саҥатыгар сөптөөх үлэһит суоҕунан кыра кэмҥэ Дягилева Ирина Серафимовна сэбиэдиссэйдиир, онтон от ыйыттан саҥа оскуоланы бүтэрбит Иванова Валентина Семеновна киирэн 1967 сыл ыам ыйыгар дылы тахсыылаахтык үлэлиир.Кини улахан үлэтинэн “Лоокуут уонна Ньургуһун”- /Т.Сметанин/ пьесаны туруорбута. Манна Лоокуут- Николай Сергеевич Санников, Ньургуһун- Елизавета Васильевна Ченохова – Спиридонова, Лэкиэс – Иван Афанасьевич Егоров сүрүн оруоллары оонньообуттара.
1967 с. Еремисова Дария Николаевна салгыы үлэлии кэлбитэ. Бу сылга Улуу Октябрь 50 сылын өрө күүрээннээхтик көрсөргө диэн нэһилиэк сельскэй советын депутаттарын сессиятыгар 5№ протоколга бөһүөлэк киинигэр 200 миэстэлээх саҥа кулууп тутуутун үлэтин саҕалыырга диэн уураах ылыналлар. Киномеханиктарынан Поскачина Марфа Филипповна, Николашкина Мария Гаврильевна үлэлииллэр.
1968-1969с. Ньурба улууһун, Маалыкай нэһилиэгиттэн Махатырова Нина Сергеевна кэлэн үлэлиир.
1969 сылга Васильев Петр С., Егоров Дмитрий Иванович үлэлээбиттэр.
1969-1970 сылга саҥа оскуоланы бүтэрбит Захаров Николай Иннокентьевич- Добурусуок директорынан, Суханов Павел Максимович худругунан үлэлииллэр, Онтон Захаров Николай Советскай Армияҕа сулууспалыы ытык иэһин төлүү барарынан кыра кэмҥэ директорынан Суханов Павел Максимович хаалар.
1970 с. – Сельскэй кулууп аатыттан Сельский Дом Культуры диэн статустанар, аҕыйах кэмҥэ Моргусов Афанасий Александрович кэлэн директордыыр.
Ол кэнниттэн Васильев Петр С. 1972 с диэри директордыыр, Павлова Матрена Алексеевна библиотекарынан үлэлиир.
1972 сылга алтынньы ыйга бары ирдэбиллэргэ эппиэттиир саҥа кулууп дьиэтэ үлэҕэ киирэр. Директорынан Моргусов Афанасий Александрович үлэлиир 1973с. Дьокуускайдааҕы культурнай сырдатар училище хореографическай салаатын бүтэрэн кэлбит Кузьмина Ноябрина Семеновна директорынан, худругунан Чурапчы улууһун Одьулууҥҥа баянистар курстарын туйгуннук бүтэрэн, республикаҕа аатырбыт Найахы хоругар баяниһынан үлэтин саҕалаабыт Филиппов Александр Дмитриевич үлэлии кэлэр.
1974 с. Евдокимов Иннокентий Алексеевич директорынан, Кузьмина Ноябрина Семеновна худругунан, худуоһунньугунан Алексеев Анатолий, библиотекарынан Санникова А.Р., киномеханиктарынан Поскачина Марфа Филипповна, Ефремова Мария Тимофеевна, Попова Татьяна Сонгиновна, тех.үлэһиттэринэн Семенова Мария Ивановна, Суханова Варвара буолан үлэлииллэр.
1976 с. Дьокуускайдааҕы культурнай сырдатар училище хореографическай салаатын бүтэрбит Алексеева Елизавета Васильевна,театральнай отделениены бүтэрбит Коркина Матрена худругунан ананан, аккомпаниаторынан Филиппов Александр Дмитриевич үлэлэрин саҕалыыллар.

Кулууп бүгүҥҥүтэ[уларыт | биики-тиэкиһи уларытыы]