Аралбай, Кадим Абдулгалимович

Кадим Абдулгалимович Аралбай(төр.1941 с.балаҕан ыйын 1 күнүгэр, БАССР, Хайбуллинскай оройуонун, Танатар дэриэбинэтигэр) - Башкортостан норуодунай поэта. Башкортостан Өрөспүүбүлүкэтин култууратын үтүөлээх үлэһитэ. Салават Юлаев аатынан судаарыстыбаннай бириэмийэ лауреата. Орто оскуола кэнниттэн, колхуоска суоппарынан үлэлээбитэ. Сэбиэскэй Аарымыйаҕа сулууспалаабыта. 1968 с.Башкир судаарыстыбаннай университетын үөрэнэн бүтэрэн, БАССР Хайбуллинскай, Баймакскай, Бурзянскай оройуоннарыгар учууталынан үлэлээбитэ. Бастакы хоһоонноро, ааспыт үйэ 60-нус сылларын ортотун диэки бэчээттэммиттэрэ. "Огненные переправы" диэн бастакы кинигэтэ 1975 с.тахсыбыта. Кадим Аралбай - уонтан тахса хоһооннор уонна поэмалар, проза уонна башкир фольклорун чинчийиилэр хомуурунньуктарын ааптара. 70-нус сыллар саҕаланыыларыгар, Кадим Аралбай ССРС НА Башкириятааҕы филиалын аспирантуратыгар үөрэммитэ. Кэнники, "Агидель" сурунаалга, Башкортостан суруйааччыларын сойууһун эппиэнинэстээх сэкирэтээринэн, ССКП Башкириятааҕы обкомун култуура салаатын инструкторынан үлэлээбитэ. 1988 сылтан өрөспүүбүлүкэ суруйааччыларын сойууһун бэрэссэдээтэлин солбуйааччы, "Китап" Башкириятааҕы кинигэ кыһатын дириэктэрэ уонна сүрүн эрэдээктэрэ. БНЦ "Урал" бэрэссэдээтэлинэн үлэлээбитэ(2002-2004), Башкир Аан дойдутааҕы курултайын исполкомун бэрэссэдээтэлин солбуйааччынан, Башкортостан суруйааччыларын сойууһун бэрэссэдээтэлин солбуйааччынан үлэлээбитэ. "Письмена духов" хоһооннорун уонна поэмаларын кинигэтин иһин судаарыстыбаннай бириэмийэни ылбыта. Сергей Чекмарев, Рами Гарипов, Зайнаб Биишева, Фатих Карим аатынан бириэмийэлэр лауреаттара. Кэнники сылларга, "Узник Каратау", "Голос Таналыка", "Последняя свадьба", "Солнечный буран", "Сказитель" уо.д.а. айымньылары суруйбут. https://ru.m.wikipedia.org/wiki/%D0%9A%D0%B0%D0%B4%D0%B8%D0%BC_%D0%90%D1%80%D0%B0%D0%BB%D0%B1%D0%B0%D0%B9 https://kulturarb.ru/ru/persony/aralbaev-kadim