Акбузат ипподром

Акбузат - Уфа куоракка баар ипподром. Башкир мифологиятын дьоруойа Урал-Батыр кынаттаах атын Акбузат аатын сүгэр. 1883 с. Коннозаводство уонна коневодство сүрүн управлениета Уфаҕа ипподромнаах көнньүүһүнэни тутар бырайыагы ылыммыта. 1892 с. ипподром Арассыыйаҕа баар 36 ипподромнар ортолоругар сурунаалга ахтыллар. 1924 с.Башкир АССР Наркомземын дьаһалынан, рысь көрүҥүнэн сүүрэр аттары тургутар Уфаатааҕы өрөспүбүлүкээнскэй ипподром тутуута бүппүтэ. 1970 с. аттары тургутуу Дуваҥҥа көһөрүллүбүтэ. 1968 с. Башкир АССР бырабыыталыстыбата саҥа ипподрому тутарга быһаарыммыта. Кини, 1982 с., Башкирия Арассыыйаҕа көҥүл өттүнэн холбоспута 425 сылын көрсө арыллыбыта. Ити сылга, от ыйын 26 күнүгэр бастакы, ат сүүрдүүтэ буолбута. Онтон ыла, "Акбузат" ипподром, маҥнай ССРС, онтон, Арассыыйа Бэдэрээссийэтин бастыҥ ипподромнарыттан биирдэстэрэ буолар. Киниэхэ улахан күрэстэр буолаллар: Бүтүн Сойуустааҕы колхуостар, сопхуостар уонна аты ууһатар собуоттар куонньуктарын куоталаһыыта(1983), "Зона Урала" куоталаһыылар(1985, 1987, 1989, 1992, 1993 сс.), Куонньуктар Бүтүн сойуустааҕы куоталаһыылара(2001 уонна 2004 сс.), ат сүүрдээччилэр кыра чемпионаттара(1995 с.), "Башкортостан - Италия" ат сүүрдээччилэр норуоттар икки ардыларынааҕы көрсүһүүлэрэ(2003 с.), "Башкортостан - Финляндия" ат сүүрдээччилэр чемпионаттара - доҕордуу көрсүһүү(2004 с.). "Акбузат" сэттэ төгүл Арассыыйа бастыҥ ипподромунан буолбута:1984, 1986, 1990, 2001, 2002, 2003, 2004 сс. 2005 с.сэтинньи ыйыттан, 2007 с. алтынньы ыйыгар диэри ипподром, "RAUM Arthitekts" японскай фирма бырайыагынан, "Башкортостаннефтезаводстрой" фирма үлэтинэн хаппытаалынай реконструкцияны барбыта. Реконструкция, Башкортостан Арассыыйа састаабыгар көҥүл өттүнэн киирбитэ 450 сыла буоларын көрсө ыытыллыбыта. Ипподром арыллыытыгар, куонньуктар Бүтүн Арассыыйатааҕы куоталаһыылара ыытыллыбыта(2007 сыл алтыннь ый 11-14 күннэригэр). Ипподром дьиэтигэр, ипподром ситиһиилэрин кэпсиир түмэл баар. Түмэлгэ башкир боруода аттарыгар анаммыт экспозиция, ат успуордун салаата, рекорд истиэнэтэ - Уфа ипподромугар рекорды олохтообут 12 саамай биллиилээх аттар, ону кытта, башкир хамаандата араас куоталаһыыларга ылбыт кубоктара бааллар. https://ru.m.wikipedia.org/wiki/%D0%90%D0%BA%D0%B1%D1%83%D0%B7%D0%B0%D1%82_(%D0%B8%D0%BF%D0%BF%D0%BE%D0%B4%D1%80%D0%BE%D0%BC) https://akbuzat-ufa.ru/about_us/