Айдын Эмре

Бикипиэдьийэ диэн сиртэн ылыллыбыт
Перейти к навигации Перейти к поиску

Эмре Айдын (туур. Emre Aydın; 1981 сыллаахха олунньу 2 күнүгэр төрөөбүтэ, Турция өрөспүүбүлүкэтэ Ыспарта куората) — турок омугун, Турция өрөспүүбүлүкэтин биллиилээх рок мусукаана, ырыаһыта, Турция эстрадатын сулуһа, MTV Europe Music Awards аан дойду бастыҥ ырыаһыттарыгар туттарыллар "Европа Фаворита" биир бастыҥ наҕараадатын хаһаайына, 2008 сыл түмүгүнэн.

Олоҕо уонна айар үлэтэ[уларыт | биики-тиэкиһи уларытыы]

Эмре Айдын 1981 сыллаахха Турция Ыспарта диэн ааттаах дьоҕус куоратыгар күн сирин көрбүтэ. Кини төрөөбүтүн кэннэ сотору буолан баран дьиэ кэргэнэ, ааҕата уонна ийэтэ, куруортарынан аатырар Анталья куоракка көһөн барбыта. Эмер Айдын идэтинэн экэнэмиис. Кини Измир куоракка Балаҕан ыйын 9 күнүн аатынан университекка экэниэмикэ факультетыгар үөрэммитэ.

Эмре Айдын 2002 сылаахха «6. Cadde» («Алтыс уулусса, Шестая улица») ырыа бөлөҕүн састаабар киирсэн, Siemens Mobile аан дойдуга биллэр улахан электрониканы оҥорор хампаанньа тэрийбит «Sing Your Song» норуоттар икки ардыларынааҕы куонкуруска кыттыбыта . Кинилэр ыллаабыт «Dönersen» диэн ааттаах ырыалара куонкурус түмүгүнэн иккис миэстэ буолбута. 2003 сыллаахха «6. Cadde» бөлөх бэйэтин ырыаларыттан таҥыллыбыт альбомун оҥорон таһаарбыта. Ол гынан баран, ити бэлиэ түгэн кэнниттэн бөлөх артыыстара арахсыбыттара.

Бөлөх арахсыбытын кэннэ 2006 сыллаахха Эмре Айдын «Afili Yalnızlık» («Хвастливое одиночество») диэн ааттаах тус ырыаларын альбомун таһаартарбыта.

Эмре Айдын Турция биир саамай биллэр уонна элбэхтик гостуруоллуур ырыаһыта, ырыа айаччыта буолар. Кини аһаардас 2007 сыллаахха аан дойду араас куораттарыгар 130 сольнай кэнсиэри тэрийбитэ[1]

Альбомнара[уларыт | биики-тиэкиһи уларытыы]

  • 6. Cadde (2003)
  • Afili Yalnızlık (2006)
  • Kağıt Evler (2010)

Бэлиэтээһиннэр[уларыт | биики-тиэкиһи уларытыы]

  1. tumgazeteler. web.archive.org (13 Атырдьах ыйын 2009). Тургутулунна 8 Балаҕан ыйын 2019.

Сигэлэр[уларыт | биики-тиэкиһи уларытыы]