Абдуллин, Азат Хамматович

Бикипиэдьийэ диэн сиртэн ылыллыбыт
Перейти к навигации Перейти к поиску

Абдуллин, Азат Хамматович

Азат Хамматович Абдуллин(төр. 1931с. бэс ыйын 26 күнүгэр, БАССР Зианчуринскай оройуонун Ургин дэриэбинэтигэр.) - башкир суруйааччыта, драматурга уонна публициһа. Нууччалыы тылынан суруйар. 1949-1953 сс.Уфаҕа, Башкирскай педагогическай институтка үөрэммит. 1953-1956 сс. Москваҕа М.Горькай аатынан аан дойду литературатын институтугар аспирантураҕа үөрэммит. Үөрэҕин кэнниттэн Башкир судаарыстыбаннай университетыгар преподавателинэн үлэлээбит, онтон, Москваҕа көспүт, онно идэтийбит суруйааччы уонна драматург буолбут. 1963 с.суруйуунан дьарыктаммыт, "Не забывай меня солнце!"- диэн поэт Сергей Чекмарёв олоҕор анаммыт пьесаны суруйбут. Пьеса, ССРС элбэх тыйаатырдарыгар(Казахстан судаарыстыбаннай академическай тыйаатырыгар10 сыл устата) туруоруллубут, хас да төгүл Уфаҕа уонна Москваҕа башкиирдыы уонна нууччалыы тылынан хаттаан бэчээттэммит. "Тринадцатый председатель"(1979) диэн дырааматынан Бүтүн Сойууска биллибитэ. Аан бастаан колхуос олоҕун итэҕэстэрин сырдатар пьеса, Вахтангов аатынан тыйаатырга туруоруллубут. Сүрүн оруолу артыыс Василий Лановой оонньообут. Пьеса дойду уонна тас дойдулар сүүстэн тахса тыйаатырдарыгар ситиһиилээхтик туруоруллубута. 1985 с. Абдуллин, "Тринадцатый председатель" салгыытын "Последний патриарх" диэн дырааманы суруйбута. 2004 с. Рудольф Нуреев туһунан "Нездешний сад" пьесаны суруйбутунан, Роман Виктюк тыйаатырыгар испэктээх туруорбуттара. Пьесалары таһынан, Абдулин, "Табунщик", "Звучащее поле", "Сияние таланта" диэн публицистическай очеркалары суруйбута. Айымньылара: "Не забывай меня солнце!" драмат.поэма. 1973 с; "Не забывай меня солнце!" Кэпсээн.1973 с; "Онотма мине кояш" . Пьеса. Башкирдыы тылынан тахсыбыта.1973 с.; "Белое молоко". Кэпсээн. 1976 с; "Красная роса". Кэпсээннэр. 1979 с.; "Тринадцатый председатель". Дыраама. 1981 с.; "Последний патриарх". Дыраама.1990 с. "Знак Почёта" уордьаннаах(16.11.1984). Башкортостан Өрөспүүбүлүкэтин Норуодунай суруйааччыта. https://ru.m.wikipedia.org/wiki/%D0%90%D0%B1%D0%B4%D1%83%D0%BB%D0%BB%D0%B8%D0%BD,_%D0%90%D0%B7%D0%B0%D1%82_%D0%A5%D0%B0%D0%BC%D0%BC%D0%B0%D1%82%D0%BE%D0%B2%D0%B8%D1%87 https://gtrk.tv/novosti/pisatel-i-dramaturg-azat-abdullin-udostoen-pochetnogo-zvaniya-narodnyy-pisatel-respubliki