Абааһы мунньаҕа

Абааһы мунньаҕа диэн былыргы сахалар уонна да атын айылҕаҕа итэҕэйэр омуктарга тарҕаммыт өйдөбүл. Өйдөбүл быһыытынан сыл ахсын от ыйын 13 күнүгэр абааһылар мунньахтыыллар — сыаллара-соруктара ол сылга кими олохтон ылалларын испииһэктииллэр, кими өлөрөллөрүн.

Өйдөбүл быһыытынан от ыйын 13 күнүгэр киһи этиһиэ суохтаах, үөхсүө суохтаах, кими даҕаны кырыа суохтаах, үөнү уонна кыылы өлөрүө уонна атаҕастыа суохтаах, тоҕо диэтэххэ ити күн үөннэр, кыыллар уонна киһи бырааба тэҥ буолар. Итини кэһии — өлөр испииһэккэ киириэххин сөп диэн өйдөбүлүнэн буолар.

Ити күн былыргы сахалар окко үлэлии тахсыбаттар. Ону таһынан ити күн тугу түһээбитиҥ суолталаах буолуон сөп, онон сибээстээн түүлдьүтүнэн туһанар сүбэлэнэр.