АБ ИДьМ Краснодардааҕы университета
Арассыыйа Бэдэрээссийэтин ИДьМ Краснодардааҕы университета
АБ ИДьМ Краснодардааҕы университета(Арассыыйа ИДьМ КрУ) - Арассыыйаҕа Краснодар куоракка баар бэдэрээлинэй, судаарыстыбаннай хааһынаттан үбүлэнэр үрдүк үөрэх тэрилтэтэ.
Устуоруйата
1977 с.кулун тутар 11 күнүгэр ССРС ИДь миниистирэ Щелоков Краснодарга милииссийэ салайар аппаратын үлэһиттэригэр квалификацияларын үрдэтэр оскуоланы олохтуурга бирикээс таһаарбыт. 1978 с. атырдьах ыйыттан үөрэх саҕаламмыт. 1979 сылтан оскуолаҕа ГАИ үлэһиттэрэ үөрэммиттэр. 1980 с. Куба өрөспүүбүлүкэтин ИДьМ ГАИ, 1983 с. Вьетнам өрөспүүбүлүкэтин ИДьМ үлэһиттэрэ квалификацияларын үрдэппиттэр. 1983 с.кулун тутар 25 күнүгэр ИДьМ бирикээһинэн Краснодардааҕы милииссийэ анал орто оскуолата буолбут. 1984 сылтан бастакы куурус устудьуоннарыгар дойду эрэгийиэннэрин ис дьыала уорганнарыгар практика ыытыллар буолбут. 1985 с.атырдьах ыйыгар бастакы выпуск буолбут. 260 милииссийэ лейтенана "юрист" диэн квалификациялаах буолбуттар. Эмиэ ити сылга, оскуолаҕа заочнай салаа арыллыбыт. 1994 с.ыам ыйын 3 күнүгэр АБ бырабыыталыстыбатын уурааҕынан Арассыыйа ИДьМ Краснодардааҕы юридическай института тэриллибит. 1997 с. Новороссийскайга, 2001 с. Ставропольга филиаллар, институкка бюджет таһынан бэлэмнэнии факультета уонна адъюнктура арыллыбыттар. 2003 с.атырдьах ыйын 25 күнүгэр институт базатыгар Арассыыйа ИДьМ Краснодардааҕы акадьыамыйата олохтоммут. Акадьыамыйаҕа Арассыыйа ИДьМ Ростовтааҕы юридическай институтун Нальчиктааҕы филиала Грознайга акадьыамыйа филиала арылларыгар ананан бэриллибит. Армавирга, Сочига уонна Черкесскэйгэ акадьыамыйа бюджеты таһынан филиаллара тэриллибиттэр. 2006 с.олунньу 1 күнүгэр АБ бырабыыталыстыбатын уурааҕынан акадьыамыйа базатыгар Астраханнааҕы, Махачкалатааҕы милииссийэ анал орто оскуолаларын киллэрэн туран АБ ИДьМ Краснодардааҕы университета тэриллибит. 2006 с.муус устарга университекка Земля Северный Рейн-Вестфалия делегацията кэлэ сылдьыбыт. 2008-2011 с.университекка анал бэлэми араас быраабы көмүскүүр уорганнар Хотугу Хапкааска командировкаҕа барар үлэһиттэрэ ааспыттар. 2011 с. Нальчиктааҕы филиал Хотугу-Хапкаастааҕы квалификацияны үрдэтэр институт буолбут. 2014 с.ыам ыйын 5 күнүгэр университет Крымнааҕы филиала төрүттэммит.
Филиаллара[уларыт | биики-тиэкиһи уларытыы]
-Хотугу-Капкаастааҕы квалификацияны үрдэтэр институт -Новороссийскайдааҕы филиал -Ставрпольлааҕы филиал -Крымнааҕы филиал
Факультеттара[уларыт | биики-тиэкиһи уларытыы]
1. Предварительнай силиэстийэ уонна дознание испэссээлиистэрин бэлэмниир факультет
2. Полиция подразделениетын испэссээлиистэрин бэлэмниир факультет
3. Уопсастыба бэрээдэгин көрөр уонна уопсастыбаҕа куттал суох буолуутунн хааччыйар испэссээлиистэри бэлэмниир факультет
4. Квалификацияны үрдэтэр уонна эбии бэлэмниир факультет
5. Заочнай үөрэх факультета
6. Профессиональнай бэлэмнэнии факультета
Рейтиннэрэ[уларыт | биики-тиэкиһи уларытыы]
АБ ИДьМ Краснодардааҕы университета
1. Краснодар куорат үрдүк үөрэх тэрилтэлэрин рейтинигэр 22-с миэстэ
2. Краснодарскай кыраай үрдүк үөрэх тэрилтэлэрин рейтинигэр 62-с миэстэ
3. Арассыыйа үрдүк үөрэх тэрилтэлэрин рейтинигэр 1626-с миэстэ.
Ссылкалара[уларыт | биики-тиэкиһи уларытыы]
https://xn--d1alsn.xn--b1aew.xn--p1ai/Universitet/Informacija_ob_universitete Архыыптаммыт 2021, Муус устар 20 күнүгэр. https://vuzopedia.ru/spec/region/city/40/229 https://eduscan.net/colleges/krdumvd Архыыптаммыт 2021, Тохсунньу 21 күнүгэр.