Мандарин туһата

Мандарин (лат.Сitrus unschiu Marc.) куруук куөх үүнээйи, үрдүгэ 2-4 м, бороҥ өҥнөөх талахтаах. Кыра, маҕан сибэккилээх. Аһа төгуркэй, сырдык саарыл эбэтэр саһархай дьүһүннээх. Аһыытыны минньигэс амтаннаах. Үүнэр кэмэ Олунньу - Муус устар ыйдар. Эмтэнэр сыалга мандарин аһын уонна хаҕын туһаныллар.

Көмөтө

Мандарин аһа уонна уута противогрибковай уонна противоцинготнай хаачыстыбалаах. Кинилэри тириигэ тахсар грибковай ыарыылары эмтииргэ аныыллар. Испииргэ туруоруллубут мандарин хаҕа куртахха ас буһарыытын тупсарар. Өссө сөтөлгө, бронхитка аныыллар.

Буортулааҕа

Мандаринна аллергиялаах буоллаххына иһимэн.

Мандарин хаҕыттан буспут уу

Ирдэнэр:

2 ст.л хатарыллыбыт мандарин хаҕа

200 мл уу.

Буһарар ньыма:

Хаҕы бытарытабыт, итии оргуйбут ууну кутабыт уонна 15 мүнүүтэгэ уу паарыгар кыра уокка туруорабыт. Ол кэннэ 30 мүнүүтэгэ хаалларабыт, сиидэлиибит.

Иһэр ньыма:

Сөтөлгө күннэ 3-тэ аһылык иннинэ 1 ст.л. иһэбит.

Испииргэ туруоруллубут мандарин хаҕа

Ирдэнэр:

3ст.л сибиэһэй мандарин хаҕа

350 мл 40% испиир эбэтэр үрүн арыгы

Буһарар ньыма:

Хаҕы бытарытабыт, испиири эбэтэр үрүн арыгыны кутабыт. 7 күн хараҥа хос иһигэр турар.

Иһэр ньыма:

Ас буһарыытын тупсарарга 15-20 хааппыланы ууну кытта, күҥҥэ 3-тэ, 30 мүнүүтэ аһылык буолуон иннинэ иһэҕит.

Туһаныллыбыт литература

Травник. Лучшие рецепты народной медицины. Автор М.А.Изотопа, Т.Ф.Плотникова, Ю.К.Кирова, Н.А.Сарафанова. 2009.