Федоров Олег Владимирович

Олег Владимирович Федоров – (сэтинньи 16 күнүгэр 1971 сыллаахха төрөөбүт) – “Благополучие” хааччахтаммыт эппиэтинэстээх уопсастыба салайааччыта, түмэт урбаанньыт.

Олег Федоров 1989 сыллаахха Москубатааҕы инженернэй-физичэскэй үнүстүүккэ “автоматика уонна электроника” салаатыгар үөрэххэ киирбитэ.

Устудьуоннуур сылларыгар уопсастыбаннай үлэнэн дьаныардаахтык дьарыктаммыта, актыбыыс этэ. Ол курдук кини көҕүлээһининэн Арассыыйаҕа аан бастакытын “Кипарис” диэн эрэкилээмэ киинэтин бэстибээлэ тэриллибитэ. Оччолорго эрэкилээмэ киинэтин бэстибээлин кыайыылахтарынан ханна даҕаны ааттара ааттана илик икки уол – Тимур Бекмамбетов уонна Сергей Грымов буолбуттара. Бу икки уол аата билигин Арассыыйа, ону ааһан аан дойду киинэтин эйгэтигэр киэҥник биллэр.

Олег Федоров 1995 сыллаахха үөрэҕин бүтэрэн баран “Monroe/Tenneco Automotive” диэн норуоттар икки ардыларынааҕы трансатлантическай корпорацияҕа атыы-эргиэн менеджэрин дуоһунаһыгар үлэлээбитэ. Талааннаах уолу сотору кэминэн салалта бэлиэтии көрбүтэ уонна Атыы-эргиэн уонна маркетинг эрэгийиэннээҕи дириэктэринэн анаабыта.

Федоров эмиэ ити кэмнэргэ Меркури Норуоттар икки ардыларынааҕы биисинэс оскуолатыгар үөрэнэн Executive MBA истиэпэни ылбыта. Олег Федоров бу хампаанньаҕа 10 сыл үлэлээбитин тухары бастыҥ үлэһит аатырбыта, хамаандатын кытары барыстаах дистрибьютердар ситимнэрин оҥорон, “Дьобуруопа ырыынагар бастыҥ ситиһиитин иһин” диэн бириэмийэнэн наҕараадаламмыта.

2002 сыллаахтан 2003 сыллаахха диэри тэрилтэ Брюсселлээҕи ыстаабыгар маркетинг салаатыгар дириэктэринэн үлэлээбитэ.

Федоров 2004 сыллаахтан парашют спордунан үлүһүйбүтэ. Ол түмүгэр 2006 сыллаахха Арассыыйаҕа улахан фармациялар кылаастарыгар рекорд олохтообута. Онтон сэдиптээн Федоров Арассыыйаҕа аан бастакынан параютистар дьарыктанар уонна сынньананр “Галактис” диэн ааттаах аэро-турбаларын туппута.

2009 сыллаахха Федоров “Monroe/Tenneco Automotive” диэн норуоттар икки ардыларынааҕы трансатлантическай корпорацияҕа үлэлии сырыттаҕына “Благосостояние” НПФ-тан аҕам саастаах уонна кырдьаҕас-кыаммат дьоҥҥо аналлаах пансионаттары тутан үлэҕэ киллэриигэ этии киирбитэ. Бу – Арассыыйаҕа саҥа хайысха этэ. Онон Федоров Дьобуруопа уонна Эмиэрикэ бастыҥ холобурдарын үөрэтэн баран, үлэ ылсыбыта. Ол түмүгэр, баара-суоҕа биэс сыл иһигэр аҕам саастаах уонна кырдьаҕас-кыаммат дьону көрөр-харайар “Благополучие” медико-социальнай комплекс тутуллубута.

Билигин Олег Федоров “Благополучие” комплексы ситиһиилээхтик салайар уонна салгыы сайыннарар.

Олег Федоров кэргэннээх, кыыс оҕолоох.