Тыа кутуйаҕа

Тыа кутуйаҕа (лат. Apodemus peninsulae, нууч. Корейская мышь эбэтэр нууч. Восточноазиатская мышь) — Ойуур кутуйахтарын ууһугар киирэр Саха сиригэр соҕотох көрүҥ. Илин Азия кутуйаҕа диэн аатынан биллэр. Кыра кутуйах. Төбөтө этигэр холоотоххо бөдөҥ, тумса сытыы. Кулгааҕа улахан. Кутуругунан тугу да туппат. Көхсө кытархайдыҥы бороҥ, өрөҕөтө — сырдык бороҥ. Тыһыта атыыра өҥнөрө биир.

Саха сирин соҕуруулуу-арҕаа уонна киин өттүлэригэр үөскүүр. Аҕыйах ахсааннаах көрүҥ. Үксүн ойуур саҕатыгар, хонууга үөскүүр. Инньэлээх үүнээйилэр туораахтарынан аһылыктанар, эбии сэппэрээктэр астарын сиир. Кыһын аһын хороонугар хаһаанар.

Ыам ыйын саҥатыттан атырдьах ыйын бүтүөр дылы 2-3 оҕолонор. Биирдэ оҕолонуутугар 3-8 (ортотунан 5-7) оҕолоох буолар.

Атын кутуйахтартан уратыта

• Бытаһыттартан уратыта — кутуруга уһун.
• Дьиэ кутуйаҕыттан уратыта — көхсө кытархайдыҥы бороҥ, үөһээ аһыытын кэлин өттүгэр тордуога суох
• Кырачаан кутуйахтан уратыта — бөдөҥ кээмэйдээх.

Өссө маны көр

Бытаһыттыҥылар кэргэннэрэ

• Кырачаан кутуйахтар
• Кутуйахтар
• Кырыысалар