Саввин Василий Васильевич
Саввин Василий Васильевич — бэйиэт, 1997 сыллаахтан Саха Республикатын суруйааччыларын Сойууһун чилиэнэ.
Олоҕун олуктара
[уларыт | биики-тиэкиһи уларытыы]- 1938 сыллаахха ыам ыйын 12 күнүгэр Уус-Алдан улууһугар Чэриктэй нэһилиэгэр төрөөбүт.
- 1956 с. Дүпсүн орто сокуолатын үөрэнэн бүтэрбит.
- 1962 с. Саха государственнай университетыгар саха тылын салаатыгар үөрэнэ киирбит.
- 1969—1979 сылларга Уус-Алдан оройуонун хаһыатыгар салаа сэбиэдиссэйинэн, эппиэттиир сэкэрэтээринэн үлэлээбит.
- 1969 сыллаахха бастакы хоһоонноро бэчээммит.
Айымньылара
[уларыт | биики-тиэкиһи уларытыы]Уустук дьылҕалаах бэйиэт бастакы уонна иккис хомуурунньуктарын ыккардыгар 21 сыл ааспыт.
- Мин кистэлэҥим: Хоһооннор. — Дьокуускай, 1972.
- Үрүччэ сүүрүгэ: Хоһооннор. — Дьокуускай, 1993.
- Ыра — ырыам ымыыта: Хоһооннор. — Дьокуускай, 1998.
Кэлин бэйиэт айымньыларын хомуурунньуга «Иэйиим сырдык сыдьаайа» диэн ааттанан тахсыбыт.
Олоҕун, айар үлэтин туһунан
[уларыт | биики-тиэкиһи уларытыы]- Бочкарев В. Ырыаһыт дьоло уонна соро: Ахтыы сэһэн // Илин. — 1997. — № 2.
Атаһа скульптор уонна суруйааччы Василий Бочкарев поэт олоҕун уонна айар үлэтин туһунан «Киhи – бүппэт ырыа» диэн кинигэни бэчээттэппитэ. Бу кинигэҕэ Баһылай Саабын туһунан ахтыылар, киниэхэ анаммыт хоһооннор киирбиттэр. Ааптардар истэригэр – поэттар, суруйааччылар, литератураны ырытааччылар, суруналыыстар, артыыстар, худуоһунньуктар Сэмэн Данилов, Сэмэн Руфов, Борис Попов, Анатолий Старостин — Сиэн Кынат, Зоя Багынанова, Борис Павлов уонна да атыттар. Маны таһынан кинигэҕэ Баһылай Бочкарев тус архыыбыттан хаартыскалар бэчээттэммиттэр[1].