Лившиц Константин Александрович
Константин Александрович Лившиц — түмэт урбаанньыт, «Леге» хампаанньалар бөлөхтөрүн генеральнай дириэктэрэ; Саастаах көлүөнэ эйэгэтэ («Мир старшего поколения») диэн аҕам саастаах уонна кырдьаҕас дьон олохторун-дьаһахтарын тупсарарга туһуламмыт кэмиэрчэскэйэ суох холбоһук кыттыгас тэрийээччитэ, бырабылыанньатын чилиэнэ.
Константин Ливщиц 1994 сыллаахха И. П. Павлов аатынан Ленинградтааҕы Бастакы медицинскэй үнүстүүтү «эмчит-быраас» идэлээх бүтэрбитэ. 2005 сыллаахха — Санкт-Петербург куоракка Стокгольмнааҕы экэниэмикэ оскуолатын. Экэниэмикэ билимин хандьыдаата.
Лишниц билигин «Леге» диэн инновационнай-социальнай технология, фармацептика, консалтинг ырыынагар үлэлиир хампаанньалар бөлөхтөрүн салайар. «Леге» хампаанньаларын иһинэн хас даҕаны социальнай суолталаах бырайыактар тэриллэн үлэлииллэр. Олор манныктар:
- «Норвесол» (айылҕа матырыйаалларыттан оҥоһуллубут, аска биологическай-актыыбынай эбиилик буолар препарат, эмп ахсааныгар киирбэт) диэн Омега-3 компексын Арассыыйа ырыынагар таһаарыы, билиһиннэрии;
- «Система Забота» диэн кырдьаҕас дьоҥҥо уонна кыаммат-түгэммэт инбэлииттэргэ күнүстэри-түүннэри кэлим көмөнү оҥорор социальнай-мэдэссиинискэй сиэрбиһи тэрийии.
Константин Ливщиц Стратегическай көҕүлээһиннэр ааҕыныстыбаларын Эспиэртиир сэбиэтин чилиэнэ («Социальнай бырайыактар» оробуочай бөлөх).
«Хэсэд Авраам» аһымал санаа киинин бэпэчиитэллэрин сэбиэтин чилиэнэ.
Лиидэрдэр кулууптарын чилиэнэ.
Кэргэннээх, уол оҕолоох. Иллэҥ кэмигэр спордунан дьарыктанар, хаартыскаҕа түһэрэр, айанныырын сөбүлүүр.